Այսօր` դեկտեմբերի 17-ին Կոտայքի մարզի ընդհանուր իրավասության դատարանում կրկին վերսկսվեց Վարդան Պետրոսյանի գործով դատաքննությունը: Հիշեցնենք` նախորդ դատական նիստին այն ավարտվել էր, դատարանը անցել էր վիճաբանությունների փուլ, ճառով պետք է հանդես գար մեղադրող դատախազ Արթուր Սարգսյանը:
Այսօրվա նիստին տուժողների, ինչպես նաև տուժողների իրավահաջորդների ներկայացուցիչ Ռուբեն Բալոյանը միջնորդեց վերսկսել դատաքննությունը` քաղաքացիական հայց ներկայացնելու հիմքով:
Կողմերը չառարկեցին, միայն պաշտպանական կողմին անհասկանալի թվաց միջնորդությունը, Վարդան Պետրոսյանի փաստաբան Նիկոլայ Բաղդասարյանը նշեց` քանի որ դատարանն առաջնորդվում է կամայականությամբ, առարկություն չունի:
Դատարանը որոշեց վերսկսել դատաքննությունը: Այս պահին Ռուբեն Բալոյանը հանդես է գալիս իր միջնորդությամբ` տուժող կողմին պատճառված վնասի հատուցման վերաբերյալ:
Մանրամասները քիչ ավելի ուշ:
