Երեկ Վարդան Պետրոսյանի նկատմամբ հարուցված քրեական գործն ուղարկվել է Կոտայքի մարզի ընդհանուր իրավասության դատարանի Աբովյանի նստավայր: Գործը կքննի դատավոր Վաղինակ Մկրտչյանը: Ձեզ ենք ներկայացնում դատավորի կենսագրությունը՝ ըստ court.am-ի:
Վաղինակ Կարլենի Մկրտչյան
Ծնվել է 1981 թվականին Երևան քաղաքում:
2001 թվականին ավարտել է ԵՊՀ իրավաբանական ֆակուլտետը:
2007 թվականին ավարտել է ՀՀ պետական կառավարման ակադեմիան:
29.05.2003-22.07.2004թթ. աշխատել է Երևան քաղաքի Մալաթիա-Սեբաստիա համայնքի դատախազության ստաժոր-քննիչ:
22.07.2004-28.07.2005թթ. աշխատել է Երևան քաղաքի Մալաթիա-Սեբաստիա համայնքի դատախազության քննիչ:
28.07.2005-18.01.2007թթ. աշխատել է Երևան քաղաքի Կենտրոն և Նորք-Մարաշ համայնքների դատախազության քննիչ:
2007 թվականին աշխատել է Երևան քաղաքի Կենտրոն և Նորք-Մարաշ համայնքների դատախազության ավագ քննիչ:
01.10.2007-18.01.2008թթ. աշխատել է Երևան քաղաքի Կենտրոն և Նորք-Մարաշ համայնքների դատախազության դատախազ:
2008 թվականից աշխատել է ՀՀ հատուկ քննչական ծառայության հատկապես կարևոր գործերի քննիչ:
2013 թվականի հունվարի 24-ին ՀՀ Նախագահի հրամանագրով նշանակվել է Կոտայքի մարզի ընդհանուր իրավասության դատարանի դատավոր։
Լուսանկարը՝ dataran.am-ի
