Կոտայքի մարզի ընդհանուր իրավասության դատարանում (Եղվարդի նստավայր) այսօր կրկին հետաձգվել է Վարդան Պետրոսյանին ձերբակալելու մասին որոշման դեմ ներկայացված բողոքի քննությունը: Իրավաբան.net-ի հետ զրույցում Վարդան Պետրոսյանի պաշտպան Նիկոլայ Բաղդասարյանը հայտնեց, որ գործով դատախազ Վահե Սարգսյանն ու քննիչ Դավիթ Մարտիրոսյանը չեն ներկայացել դատական նիստին` առանց որևէ հիմնավորման:
Հիշեցնենք, որ Կոտայքի մարզի ընդհանուր իրավասության դատարանի Եղվարդի նստավայրի դատավոր Յուրի Բաղդասարյանը նախորդ դատական նիստի ժամանակ որոշում կայացրեց Վարդան Պետրոսյանին ձերբակալելու մասին որոշման բողոքարկման քննության ողջ ընթացքն անցկացնել դռնփակ դատական նիստում:
