Այս գործի մյուս նիստերը՝
բացել բոլորը
Փակել

Վարդան Պետրոսյանի պաշտպանի օգնականը հեռացվեց նիստերի դահլիճից

Դերասան Վարդան Պետրոսյանի գործի քննությունը սկսվելուց հետո դատավոր Վաղինակ Մկրտչյանը նիստերի դահլիճից հեռացրեց ամբաստանյալի պաշտպան Նիկոլայ Բաղդասարյանի օգնական, փաստաբան Սլավիկ Պողոսյանին: Նա նստել էր պաշտպանական կողմի համար նախատեսված վայրում: Նիկոլայ Բաղդասարյանը դատավորի համար օրենքից քաղվածքներ էր հանել ցույց տալու համար, որ փաստաբանի օգնականն իրավունք ունի գտնվելու դատավարության կողմերի համար նախատեսված վայրում:

Օգնական, փաստաբան Սլավիկ Պողոսյանը փորձեց դիմել դատարանին: Վաղինակ Մկրտչյանը թույլ չտվեց խոսելու, քանի որ ըստ նրա՝ նա դատավարական կողմ չէ: Սլավիկ Պողոսյանը հրաժարվեց լքել նիստերի դահլիճը՝ նշելով, որ դատավարական կողմերի համար նախատեսված վայրից դուրս կգա միայն այն դեպքում, եթե իր նկատմամբ դատական սանկցիա կիրառվի:

Պաշտպան Նիկոլայ Բաղդասարյանը դատավորի գործողություններն ապօրինի համարեց՝ նշելով, որ դրանով դատավորը խանգարում է փաստաբանության ինստիտուտի զարգացմանը Հայաստանում: Պաշտպանը հայտնեց, որ այդ հարցով նա կդիմի Փաստաբանների պալատ, անգամ Սահմանադրական դատարան:

Դատական նիստը շարունակվում է:

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել