Այս գործի մյուս նիստերը՝
բացել բոլորը
Փակել

Վարդան Պետրոսյանին տեղափոխեցին Սթրես կենտրոն

Դերասան Վարդան Պետրոսյանին «Էրեբունի» բժշկական կենտրոնից տեղափոխեցին ՀՀ աշխատանքի և սոցիալական հարցերի նախարարության Սթրես կենտրոն: Այս մասին հայտնում է Իրավաբան.net-ի թղթակիցը:

Իրավաբան.net-ն արդեն հայտնել էր, որ դերասան Վարդան Պետրոսյանը ճնշման տատանման և շնչառական խնդիրների պատճառով այսօր  տեղափոխվել է «Էրեբունի» բժշկական կենտրոն և հետազոտում է անցնում: 

«Էրեբունի» բժշկական կենտրոնի հասարակայնության հետ կապերի բաժնի ղեկավար Շուշան Հունանյանն Իրավաբան.net-ին հայտնել էր, որ ավելի ուշ` հետազոտությունների պատասխանից հետո, պարզ կդառնա` Վարդան Պետրոսյանին կհոսպիտալացնեն, թե` ոչ:

Հիշեցնենք, որ այսօր ՀՀ ոստիկանության Նաիրիի քննչական բաժնում որոշում է կայացվել ձերբակալել դերասան Վարդան Պետրոսյանին, սակայն առողջական խնդիրների պատճառով դերասանը տեղափոխվել էր հիվանդանոց: 

Ավելի վաղ Իրավաբան.net-ը հայտնել էր, որ վթարը տեղի էր ունեցել Եղվարդ-Երեւան ավտոճանապարհի 32-րդ կմ հատվածում : Բախվել էին BMW մակնիշի 04 ՍԼ 920 համարանիշով եւ «ՎԱԶ 2121» մակնիշի 870 ՕԼ 64 համարանիշով ավտոմեքենաները: Վթարի հետեւանքով 7 հոգի մարմնական վնասվածքներով տեղափոխվել էր հիվանդանոց, այդ թվում`  Վարդան Պետրոսյանը: «ՎԱԶ 2121» մակնիշի մեքենայի ուղեւորներից Էդգար եւ Էդուարդ Հակոբյանները մահացել էին: Դեպքի առթիվ ոստիկանության Նաիրիի բաժնում հարուցվել էր քրեական գործ ՔՕ-ի 242-րդ հոդվածի 3-րդ մասի հատկանիշներով:    

 

Իրավաբան.net

  Դիտվել է`

Այլ դատական գործեր

Դատական գործերի տեսանյութեր

Դատական գործեր (ֆոտո)

Հետևեք մեզ Facebook-ում

  Պատուհանը կփակվի 6 վայրկյանից...   Փակել