Այս գործի մյուս նիստերը՝
բացել բոլորը
Փակել

Դերասան Վարդան Պետրոսյանին չեն հոսպիտալացնի. Շուշան Հունանյան

Դերասան Վարդան Պետրոսյանին չեն հոսպիտալացնի: Այս մասին Իրավաբան.net-ի թղթակցին րոպեներ առաջ հայտնեց «Էրեբունի» բժշկական կենտրոնի հասարակայնության հետ կապերի բաժնի ղեկավար Շուշան Հունանյանը: Նրա խոսքով` Վարդան Պետրոսյանի առողջական վիճակը հաշվի առնելով նրան չեն հոսպիտալացնի:

Իրավաբան.net-ն արդեն հայտնել էր, որ դերասան Վարդան Պետրոսյանը ճնշման տատանման և շնչառական խնդիրների պատճառով այսօր  տեղափոխվել է «Էրեբունի» բժշկական կենտրոն և հետազոտում է անցնում: 

Շուշան Հունանյանն Իրավաբան.net-ին հայտնել էր, որ ավելի ուշ` հետազոտությունների պատասխանից հետո, պարզ կդառնա` Վարդան Պետրոսյանին կհոսպիտալացնեն, թե` ոչ:

Հիշեցնենք, որ այսօր ՀՀ ոստիկանության Նաիրիի քննչական բաժնում որոշում է կայացվել ձերբակալել դերասան Վարդան Պետրոսյանին:  Ավելի վաղ Իրավաբան.net-ը հայտնել էր, որ վթարը տեղի էր ունեցել Եղվարդ-Երեւան ավտոճանապարհի 32-րդ կմ հատվածում : Բախվել էին BMW մակնիշի 04 ՍԼ 920 համարանիշով եւ «ՎԱԶ 2121» մակնիշի 870 ՕԼ 64 համարանիշով ավտոմեքենաները: Վթարի հետեւանքով 7 հոգի մարմնական վնասվածքներով տեղափոխվել էր հիվանդանոց, այդ թվում`  Վարդան Պետրոսյանը: «ՎԱԶ 2121» մակնիշի մեքենայի ուղեւորներից Էդգար եւ Էդուարդ Հակոբյանները մահացել էին: Դեպքի առթիվ ոստիկանության Նաիրիի բաժնում հարուցվել էր քրեական գործ ՔՕ-ի 242-րդ հոդվածի 3-րդ մասի հատկանիշներով: 

 

Լուսանկարը` Hetq.am

Իրավաբան.net

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել