Երիտասարդ իրավաբանների պրակտիկ հմտությունների դպրոցն այսօր ավարտվեց: Այն տևեց երկու ամիս, երիտասարդները ծանոթացան գրեթե բոլոր ճյուղերին, ստացան պրակտիկ հմտություններ, եղան պետական և ոչ պետական մարմիններում: Երիտասարդ իրավաբանների պրակտիկ հմտությունների դպրոցի ամփոփումն իրականացրեց դպրոցի հիմնադիր, «ԼԻԳԼ ԸԼԱՅԸՆՍ» իրավաբանական ընկերության նախագահ Կարեն Զադոյանը, որն իր գործընկերների` դպրոցի դասավանդողների հետ միասին, դպրոցի ունկնդիրներին հանձնեց դպրոցի ավարտական դիպլոմները: Թե ի՞նչ տվեց դպրոցը ունկնդիրներին և ի՞նչ թերություններ են առկա, հարցերին պատասխանում են հենց երիտասարդները:
Լիլիթ Ֆանարջյան: Դպրոցում առանձնահատկություններ շատ եմ տեսել, մասնավորապես՝ հմտությունները, որոնք մեզ տրվել են, արդեն դարձել են մեր ձեռքի բանալին, օրինակ՝ սովորել ենք տարբեր տեսակի փաստաթղթեր կազմել, ինչը պետք է գալու մասնագիտական աշխատանքի ժամանակ: Դպրոցն ինձ տվել է ավելին քան ես սպասում էի: Արդեն ինքս իմ մեջ վստահություն ունեմ, որ կարող եմ իրավաբանի գործունեությամբ զբաղվել:
Թագուհի Փիրուզյան: Դպրոցն արդարացրեց մեր սպասումները, քանի որ այն նախատեսում էր մեզ տալ պրակտիկ հմտություններ ու տվեց, բացի այդ մենք ստացանք շատ հարցերի պատասխաններ՝ առնչվող տեսական դրույթներին: Սովորեցինք շատ բաներ՝ լրացնելով մեր բացերը: Օրինակ՝ ես լրացրեցի իմ մասնագիտական գործունեության այն բացերը, որոնք կապված էին փաստաթղթերի կազմման ու օրենքների մեկնաբանության հետ: Թերություններից միայն կարող եմ մատնանշել այն, որ երբ հանձնարարություն էր լինում, այն գրավոր ձևակերպված չէր, սա ավելի շատ կազմակերպչական թերություն է:
Անի Արշակյան: Դպրոցն ինձ առաջին հերթին տվեց ընկերներ ու պրակտիկ գիտելիքներ: Թերությունների մասին, անկեղծ ասած, չեմ ուզում խոսել: Բացի այդ, հնարավորություն եղավ ծանոթանալ պետական մարմինների հետ: Շատ իրավաբաններից մենք լսում էինք խորհուրդներ, որոնք հետագայում մեզ պետք կգան: Արդյունավետ էր այցելությունները պետական մարմիններ:
Ունկնդիր: Պրակտիկան ինձ մոտ թույլ էր նախկինում, ես ներկայումս աշխատում եմ ու սեմինարներից ստացած գիտելիքները ինձ օգնել են, շատ բաներ դասավանդողների խորհուրդներով եմ անում:
Անի Հարությունյան: Թերություններից նշեմ այն, որ ժամանակը քիչ էր, նյութերի ծավալը՝ շատ: Ինչ շատ բան տվեց դպրոցը, ակնկալում էի պրակտիկ գիտելիքներ ստանալ, պայմանագրեր, վճռաբեկ ու վերաքննիչ բողոքներ կազմել, ինչը ստացա: Նշեմ, որ միջավայրն էլ է շատ տրամադրող:
Արմանուշ Ղազարյան: Ժամանակի առումով համամիտ չեմ, այն, ինչ սովորեցինք ժամանակի ընթացքում, կարծում եմ՝ հենց այդ ժամանակի համար էլ նախատեսված էր: Դպրոցից իմ ակնկալիքներն արդարացվեցին:
Աստղիկ Բաղդասարյան: Ինձ դպրոցը փոխանցեց նոր գիտելիքներ ու հմտություններ, որոնց դեռևս ծանոթ չեմ եղել: Շատ արդյունավետ էր:
Շուշան Շահինյան: Առաջին հերթին՝ մտերիմ ընկերներ, բացի այդ, ավելի անմիջականորեն կարողացա առնչվել պրակտիկ գործունեությանը: Կոնկրետ պայմանագրերի հետ կապված ասեմ, որ ավելի հստակ ու դիպուկ ծանոթացա օրենքի անդրադարձին: Իհարկե, չեմ կարող ասել, որ լավ էր անցնում դասավանդումը՝ և՛ իմ տեսանկյունից, և՛ ժամանակի առումով, սակայն այնուամենայնիվ որոշակի գիտելիքներ ստացա:
Հիշեցնենք, որ Երիտասարդ իրավաբանների պրակտիկ հմտությունների դպրոցն իրականացվում է «ԼԻԳԼ ԸԼԱՅԸՆՍ» իրավաբանական ընկերության կողմից: Դպրոցի ինֆորմացիոն գործընկերն է Իրավաբան.net կայքը:
Երիտասարդ իրավաբանների պրակտիկ հմտությունների դպրոցը կլինի շարունակական: Առաջիկայում «ԼԻԳԼ ԸԼԱՅԸՆՍ» իրավաբանական ընկերության կողմից կտրվի դպրոցի նոր ընդունելության մասին հայտարարություն:
Կարդացեք նաև՝
Խորհուրդ են տալիս, ինչից սկսել՝ հաջողության հասնելու համար. Երիտասարդ իրավաբանների դպրոցի ունկնդիր
Երիտասարդ իրավաբանների դպրոցը կամուրջ է դեպի իրավական ոլորտ
Վճռաբեկ դատարանի նախագահի օգնականը՝ Երիտասարդ իրավաբանների դպրոցի մասին
Երիտասարդ իրավաբանների դպրոցը կարևոր է. Ռուբեն Վարդազարյան
«Այստեղ ստանում ես գիտելիքներ, որոնք հետագայում պետք են գալու աշխատավայրում»
Արժեքավոր գիտելիքներ և խորհուրդներ ենք ստանում. ունկնդիրը՝ Երիտասարդ իրավաբանների դպրոցի մասինս
Բավականին մեծ առաջընթաց եմ արձանագրել. Երիտասարդ իրավաբանների պրակտիկ հմտությունների դպրոցի ունկնդիր
Դպրոցը շատ մեծ նպաստ ունի իմ որոշման կայացման վրա. Երիտասարդ իրավաբանների դպրոցի ունկնդիր
Վերաքննիչ վարչական դատարանի նախագահն ընդունեց Երիտասարդ իրավաբանների դպրոցի ունկնդիրներին
Թեմաներն ուսումնասիրվում են պրոֆեսիոնալ մասնագետների կողմից. Երիտասարդ իրավաբանների դպրոցի ունկնդիր
Պայմանագիր կազմելու շատ նրբություններ չգիտեի, սովորեցի գրագետ կազմել. Երիտասարդ իրավաբանների դպրոցի ունկնդիր
Այստեղ ստացած պրակտիկ հմտություններն ամրապնդում են գիտելիքներս. նշում է Երիտասարդ իրավաբանների դպրոցի ունկնդիրը
«Սովորեցի այն, ինչը բուհում չեն սովորեցնում». Երիտասարդ իրավաբանների դպրոցի ունկնդիր
Ինչպե՞ս ճիշտ և գրագետ կազմել պայմանագիր. Երիտասարդ իրավաբանների պրակտիկ հմտությունների դպրոց
Երիտասարդ իրավաբանների դպրոցի ունկնդիրները հյուրընկալվեցին Փաստաբանների պալատում
Քաղաքացիների հետ շփումները և դիմումի կազմման առանձնահատկությունները՝ դասընթացի թեմա
Մեկնարկեց երիտասարդ իրավաբանների բացառիկ դպրոցը
Կմեկնարկի բացառիկ դպրոց երիտասարդ իրավաբանների և իրավաբան ուսանողների համար
