Ինչպե՞ս ճիշտ և գրագետ կազմել պայմանագիր, ինչպիսի՞ պայմաններ ներառել պայմանագրում՝ բացասական հետևանքներից խուսափելու համար. այս և այլ հարցեր այսօր քննարկվեցին «ԼԻԳԼ ԸԼԱՅԸՆՍ» իրավաբանական ընկերության կողմից կազմակերպված Երիտասարդ իրավաբանների պրակտիկ հմտությունների դպրոցի շրջանակներում:
Մինչ դասընթացի մեկնարկը Իրավաբանների հայկական ասոցիացիայի նախագահ, «ԼԻԳԼ ԸԼԱՅԸՆՍ» իրավաբանական ընկերության նախագահ, փաստաբան Կարեն Զադոյանը դպրոցի ունկնդիրների հետ ամփոփեց կատարված աշխատանքները, պատասխանեց նրանց հետաքրքրող հարցերին:
Իրավաբան Առնոլդ Վարդանյանը ներկայացրեց պայմանագրի կառուցվածքը տիպային օրինակներով, նշեց, թե պայմանագրի համար էական նշանակություն ունեցող ինչպիսի տվյալներ է հարկավոր ներառել, խոսեց իրավակիրառ պրակտիկայի և իրավամտածողության մասին:
Դասընթացն անցավ բուռն քննարկումներով, ունկնդիրներն իրենց հարցերն ուղղեցին բանախոսին և ստացան սպառիչ պատասխաններ:
Դպրոցի ինֆորմացիոն գործընկերն է Իրավաբան.net կայքը:
Կարդացեք նաև՝
Երիտասարդ իրավաբանների դպրոցի ունկնդիրները հյուրընկալվեցին Փաստաբանների պալատում
Քաղաքացիների հետ շփումները և դիմումի կազմման առանձնահատկությունները՝ դասընթացի թեմա
Մեկնարկեց երիտասարդ իրավաբանների բացառիկ դպրոցը
Կմեկնարկի բացառիկ դպրոց երիտասարդ իրավաբանների և իրավաբան ուսանողների համար
