Ինչպես արդեն հայտնել ենք, Երևան քաղաքի ընդհանուր իրավասության դատարանի Շենգավիթի նստավայրում դատավոր Աննա Դանիբեկյանի նախագահությամբ, ընթանում է ՀՀ 2-րդ նախագահ Ռոբերտ Քոչարյանի, պաշտպանության նախկին նախարար Սեյրան Օհանյանի, ՀԱՊԿ նախկին գլխավոր քարտուղար Յուրի Խաչատուրովի և նախկին փոխվարչապետ Արմեն Գևորգյանի գործի քննությունը:
Նիստին վեճ տեղի ունեցավ դատախազ Կարեն Բիշարյանի և Յուրի Խաչատուրովի պաշտպան Միհրան Պողոսյանի միջև։ Նիստն ընդմիջվեց։
Վերսկսումից հետո դատավոր Աննա Դանիբեկյանը կարգապահական պատասխանատվության ենթարկեց երկու կողմին էլ՝ նշելով, որ դատական սանկցիա կարող է կիրառվել՝ նիստին, արտահայտվելու ժամանակ դատական կարգը խախտելու դեպքում, կամ դատարանի նկատմամբ անհարգալից վերաբերմունք դրսևորելու դեպքում։
Միհրան Պողոսյանին և Երևանի դատախազ Գևորգ Բաղդասարյանի նկատամամբ նկատողություն հայտարարվեց։
Դատավորը նաև նշեց, որ համապատասխան գրություններ կուղղվեն գլխավոր դատախազությանը և Փաստաբանների պալատի նախագահին։
