Շանթ Հարությունյանի և ընկերների գործով այսօր Վերաքննիչ քրեական դատարանը` դատավոր Արշակ Խաչատրյանի նախագահությամբ հրապարակեց իր որոշումը:

ՀՀ վերաքննիչ դատարանը մերժեց Շանթ Հարությունյանի և ընկերների գործով վերաքննիչ բողոքը: Դատարանի որոշման հրապարակումից հետո նիստերի դահլիճում ամբաստանյալների հարազատներն արտահայտեցին իրենց դժգոհությունը աղմուկ բարձրացնելով:

Նիստին ներկա էր նաև Ժառանգություն կուսակցության նախագահ Րաֆֆի Հովհաննիսյանը, ով որոշման հրապարակման պահին մեջքով էր կանգնած դատավորների դիմաց:

Հիշեցնենք` առաջին ատյանի դատարանը Շանթ Հարությունյանին մեղավոր էր ճանաչել խուլիգանության հոդվածով: Նա դատապարտվել էր 6 տարվա ազատազրկման, նույն հոդվածով դատապարտվել է նաև ամբաստանյալ Ալբերտ Մարգարյանը, նա անազատության մեջ կլինի 6 տարի: Շանթ Հարությունյանի անչափահաս որդին` Շահեն Հարությունյանը դատապարտվել է 4 տարվա ազատազրկման, սակայն այն չկիրառվեց` Քրեական օրենսգքրի հոդված 70 համաձայն (Պատիժը պայմանականորեն չկիրառաելը):

Ալեք Պողոսյանը և Ավետիս Ավետիսյանը մեղավոր են ճանաչվել ՀՀ քրեական օրենսգրքի 258-րդ հոդվածի 4-րդ մասով` համապատասխանաբար դատապարտվելով 4 և 5 տարվա ազատազրման, 4 տարվա ազատազրկման դատապարտվեց նաև Մկրտիչ Հովհաննիսյանը: Հայկ Հարությունյանը դատապարտվել է 4,5 տարվա, իսկ Լիպարիտ Պետրոսյանը` 5 տարվա ազատազրկման:

Սևակ Մնացականյանը մեղավոր է ճանաչվել ՀՀ քրեական օրենսգրքի 258-րդ հոդվածի 3-րդ մասի 1-ին, ինչպես նաև 2-րդ կետերով` դատապարտվելով 1,5 տարվա ազատազրկման: Տիգրան Պետրոսյանն ու Արմեն Հովհաննիսյանը դատապարտվել են 1 և 2 տարվա ազատազրկման: Վահե Մկրտչյանը մեղավոր է ճանաչվել ՀՀ քրեական օրենսգրքի 258-րդ հոդվածի 4-րդ մասով և 316-րդ հոդվածի 2-րդ մասով` ընդհանուր առմամբ դատապարտվելով 7 տարվա ազատազրկման, իսկ Վարդան Վարդանյանը` 5 տարվա ազատազրկման:

Իրավաբան.net