Շանթ Հարությունյանի և ընկերների գործով դատաքննության ժամանակ վկա, ոստիկան Արմեն Խեչումյանը ցուցմունք տվեց այն մասին, որ նոյեմբերի 5-ին 17:00-ի սահմաններում գտնվել է Բայրոն փողոցում: Լսելով` պայթյուններ և գոռգոռոցներ` վազելով մոտեցել է դեպքի վայր. «Մոտեցա, մոտ 150 քաղաքացիներ էին, որոնցից 20-30 մասկայով էին: Իրենց ձեռքին փայտեր կային, ինչ-որ բան էին տրաքացնում»
Վկայի խոսքով` ինքն անձամբ բաժին չի գնացել, սակայն օգնել է մի քանի ոստիկանների բերման ենթարկել քաղաքացիներին. «Ես օգնեցի նաև բերման ենթարկել սև կապիշոնով մի քաղաքացու, ով մեր գումարտակի հրամանատարին գցեց, հետևից բարձրախոսով խբեց ու վազելով գնաց դեպի ՃՈ մեքենան: Հենց էնտեղ էլ մենք նրան բերման ենթարկեցինք ոստիկանություն»:
Արև Ավագյան
