Արցախյան 2-րդ պատերազմում զոհված Հրաչ Մակարյանը սովորել է Վազգեն Սարգսյանի անվան ռազմական համալսարանում։
«Շատ սպասված երեխա էր։ 3 տարի Բալահովիտի չաստում է ծառայել, որպես ավագ լեյտենանտ։ Հետո հրաժարվեց զինվորական գործից, ասաց՝ մամ հոգնել եմ, բայց գնաց պատերազմ»,-պատմում է մայրը՝ Նելլի Մակարյանը։
Հրաչը պատերազմից 2 ամիս առաջ էր ամուսնացել։
«Գիտեր, որ կինը հղի է, բայց դա էլ պատճառ չդարձավ, որ չգնա։ Ասում էր՝ եթե ես չգնամ, ապա ո՞վ, ամոթ է, որ իմ հետևից գան»,-նշում է մայրը։
Նա հոկտեմբերի 5-ին մեկնել է Վարանդայի շրջան։
Հրաչ Մակարյանը ծնվել է 1992 թվականի սեպտեմբերի 21-ին։ Հայրենիքի պաշտպանության համար մղվող մարտերում զոհվել է 2020 թվականի հոկտեմբերի 14-ին։
Մանրամասները՝ տեսանյութում
