Մենք կանխատեսում էինք իրավիճակի նման զարգացումը, այս մասին ադրբեջանական լրատվամիջոցների փոխանցմամբ՝ հայտարարել է Ադրբեջանի նախագահի օգնական Հիքմեթ Հաջիևը։
Հաջիևը GLOBSEC 2025 ֆորումում ասել է, որ երկիրը նախապես պատրաստվել է Մերձավոր Արևելքում ռազմական լարվածության հետ կապված հնարավոր սցենարներին։
«Մենք կանխատեսում էինք իրավիճակի նման զարգացումը և ինչ-որ իմաստով պատրաստվեցինք ինչպես նոր աշխարհաքաղաքական ցնցումներին, որոնք կարող են գալ Մերձավոր Արևելքից, այնպես էլ հնարավոր սցենարներին, որոնք կարող են պատահել մեր հարևանների հետ պատժամիջոցների տակ։
Ադրբեջանը հայտնվել է բարդ աշխարհաքաղաքական իրավիճակի էպիկենտրոնում՝ մի կողմից շարունակվող ռուս-ուկրաինական հակամարտությունը, մյուս կողմից՝ Իսրայելի և Իրանի միջև սրումը»,-նշել է նա։
