Վրաստանի վարչապետ Իրակլի Կոբախիձեն հայտարարել է, որ ամբողջ Վրաստանում անցկացվում է հատուկ գործողություն՝ հոկտեմբերի 4-ի հանրահավաքին մասնակցած «հանցագործներին» ձերբակալելու համար։ Այս մասին Iravaban.net-ը տեղեկանում է Sovanews-ից։
Վարչապետը հավելել է, որ հոկտեմբերի 6-ին մի քանի մարդ կկալանավորվի։ Կոբախիձեն նաև նշում է, որ արդեն գրեթե ամբողջությամբ բացահայտել են անձանց, որոնք ներխուժել են նախագահական նստավայրի բակ։
Վարչապետը ընդգծել է, որ միջոցներ կձեռնարկվեն՝ ապահովելու համար, որ ոչ ոք չհամարձակվի վեցերորդ հեղափոխություն կազմակերպել։
«Մենք հայտարարել ենք, որ ով մասնակցել է և նախագահական նստավայրի գրոհին կենթարկվեն պատասխանատվության։
Միաժամանակ հոկտեմբերի 4-ից առաջ բոլորին հիշեցրինք, որ շատ ավելի մեծ ռեսուրսներ ունենք՝ մեղավորներին բացահայտելու համար։ Համապատասխանաբար, ցուցարարներից շատերը ստիպված են սպասել համապատասխան միջոցառումներին։
Այսօր անցկացվում է համապատասխան հատուկ գործողություն։ Այսօր մի քանի հանցագործներ կձերբակալվեն։ Այս գործընթացները, անկասկած, կշարունակվեն։ Նախագահական նստավայրում անկարգություններ կատարած բազմաթիվ անձինք արդեն իսկ բացահայտվել են։ Ոմանք թաքնվում են բնակարաններում, մյուսները փախել են շրջաններ։
Հանրահավաք հայտարարված կազմակերպիչները ձերբակալվել են։ Ես հիմա խոսում եմ նրանց մասին, ովքեր անմիջականորեն գրոհել են նախագահական նստավայրը։ Նրանք այս նոր սերնդի ծայրահեղական խմբավորումների ներկայացուցիչներ են, որոնք ունեին կոնկրետ առաքելություն, և նրանք փորձեցին իրականացնել իրենց առաքելությունը։ Սակայն դուք տեսաք, որ այդ հարձակումը չհաջողվեց»,- հայտարարել է Կոբախիձեն։
