Հինգ մարդ դանակահարվել է հինգշաբթի երեկոյան Միլանի մերձակայքում գտնվող առևտրի կենտրոնում, երբ տղամարդը հարձակվել է հավաքված մարդկանց վրա։ Այս մասին գրում է РИА Новости-ն։
Տեղի իրավապահներին հաջողվել է կալանավորել հարձակվողին։ Պարզվել է, որ 46-ամյա տղամարդը իտալացի է։ Իրավապահները հետաքննում են դեպքի բոլոր հանգամանքները։ Այս պահին պարզ չէ, թե որն է հարձակման պատճառը։ Հնարավոր է, որ խոսքը գնում է անմեղսունակի արարքի մասին։
Դեպքի վայր են մեկնել շտապօգնության մի քանի մեքենաներ և հատուկ բժշկական ուղղաթիռ։ Բոլոր տուժածները տեղափոխվել են հիվանդանոցներ։ Երեք վիրավորների վիճակը բժիշկները գնահատում են ծանր։
Իրավապահ մարմինների վերջին տեղեկատվության համաձայն՝ առևտրի կենտրոնում տեղի ունեցած հարձակումը ահաբեկչություն չէ։
