Այսօր թուրքական կողմի նախաձեռնությամբ հեռախոսազրույցներ են տեղի ունեցել Ռուսաստանի Դաշնության պաշտպանության նախարար, բանակի գեներալ Սերգեյ Շոյգուի և Թուրքիայի Հանրապետության ազգային պաշտպանության նախարար Հուլուսի Աքարի միջև։ Այս մասին տեղեկանում ենք ՌԴ ՊՆ-ից։
Հիմնական ուշադրությունը դարձվել է Ուկրաինայում և Սիրիայում տիրող իրավիճակի վերաբերյալ կարծիքների փոխանակմանը և գնահատականներին։
Ռազմական գերատեսչությունների ղեկավարները մանրամասն քննարկել են Սեւ ծովում նավարկության անվտանգության հարցերը՝ կապված Ուկրաինայի տարածքից հացահատիկի արտահանման խնդրի լուծման հետ։
Նշվել է Սիրիայում սերտ համագործակցության շարունակման կարևորությունը՝ ուղղված տարածաշրջանում երկարաժամկետ կայունության պահպանմանը։
Այս հարցերի շուրջ ռուս-թուրքական շփումները կշարունակվեն։
