Հովհաննես Խաչատրյանը կամավոր էր մեկնել արցախյան պատերազմին՝ հոր և եղբոր հետ: Հորեղբոր տղան էլ՝ Արամ Խաչատրյանը, ժամկետային զինծառայող էր, ծառայում էր Մատաղիսում:
Հովհաննեսն ընտանիքի հետ միասին բնակվել է Կովսականում (Զանգելան): Մասնակցել է նաև քառօրյա պատերազմին, այդ ժամանակ դեռ ժամկետային զինծառայող էր:
«Կռվել ենք Ջաբրայիլում, երկուսինս էլ եղել ա սովորական ավտոմատներ, իրար հետ ենք եղել առաջին օրվանից, գնացել ենք պոստեր, չէի թողում կրակի, ասում էի՝ ես կկրակեմ, դու մագազինները լիցքավորի»,-պատմում է արցախյան պատերազմում զոհված Հովհանես Խաչատրյանի եղբայրը՝ Գևորգ Խաչատրյանը:
«Չկար հրամանատար, չկար ոչ մի բան, չկար ղեկավար, չկար քարտեզ: Չէինք կարողանում պոստը պահեինք, որովհետև չունեինք ոչ մի բան, պիտի ուրիշ տեղով գնայինք, մեզ ուրիշ հրաման տվեցին: 600 հոգուց 25 հոգի մնացինք: Եղբորս ման եկա չգտա, չգիտեմ ուր էր»,-ասաց Գևորգը:
Հովհաննես Խաչատրյանը ծնվել է 1997 թվականի սեպտեմբերի 22-ին, զոհվել է 2020 թվականի հոկտեմբերի 3-ին:
Մանրամասները՝ տեսանյութում
