ՀՀ վարչապետ Նիկոլ Փաշինյանը իր սոցիալական էջում տեսանյութ է հրապարակել, որում կից գրել է. «Հոգեւոր նորոգում. հաջորդ կիրակի նույնպես կհանդիպենք Հովհաննավանքում»։
«Այսօր մեր տեր և ուսուցիչ Հիսուս Քրիստոսի և Հայաստանյայց Հայ Առաքելական Սուրբ Եկեղեցում խորանի առաջ ծնկի գալու և մեղքերի թողություն խնդրելու օր էր։
Մայր Աթոռ Սուրբ Էջմիածնի ազատագրման օրակարգը նախևառաջ և մեծապես նորոգման օրակարգ է։ Հայաստանյայց Առաքելական Սուրբ Եկեղեցու հոգևոր նորոգման օրակարգ։ Բայց դրանով իսկ մեծապես նաև նրա հետևորդների, մեզնից յուրաքանչյուրի հոգու և հոգևոր կյանքի նորոգման օրակարգ։ Ես առաջին հերթին խոսում եմ իմ մասին, և այսօրվա պատարագը իմ հոգու և հոգեվոր կյանքի նորոգման մի կարևոր մեկնարկ է։
Ուզում եմ նաև ասել, որ մյուս կիրակի օրը նույնպես Հովհաննավանքում կմասնակցեմ սուրբ և անմահ պատարագի»-ասվում է տեսանյութում։
