Արցախյան պատերազմում զոհվել է ժամկետային զինծառայող Արամ Խաչատրյանը կամ ինչպես զորամասում էր հայտնի «Մաեստրո Արամը»։ Նա բանակ է զորակոչվել 2020 թվականի հունվարի 8-ին։
Արամը սովորել է Սայաթ-Նովայի անվան երաժշտական դպրոցում, քամանչա է նվագել։ Բանակ զորակոչվելուց առաջ ընդունվել է Խաչատուր Աբովյանի անվան հայկական պետական մանկավարժական համալսարանի գեղարվեստի ֆակուլտետը։
Մայրը վերջին անգամ Արամի հետ խոսել է հոկտեմբերի 13-ին, նա ասել է՝ մի քանի օր չեմ զանգելու չանհանգստանաք։
Արամ Խաչատրյանը ծնվել է 2001 թվականի հուլիսի 28-ին, զոհվելու մասին լուրը հարազատներն իմացել են դեկտեմբերի 7-ին։
