Ոստիկանության անձնագրային և վիզաների վարչության պետ Մնացական Բիչախչյանը տեղեկացնում է, որ Հայաստանի Հանրապետության քաղաքացին, եթե չունի հաշվառում ՀՀ հասցեով կամ սեփականատերը հանել է հաշվառումից, ապա կարող է մինչև նոյեմբերի 29 դիմել ընտրողների ցուցակում ընդգրկվելու համար:
Նշենք նաև, որ եթե անձնագրի ժամկետը լրացել է, սակայն անձի տվալները կան ընտրողների ցուցակում, այդ անձնագրով կարող է մասնակցել քվեարկությանը:
Հիշեցնենք, որ սովորական անձնագիրը փոխանակման ներկայացնելիս նորը տրվում է 5-րդ աշխատանքային օրը: Օրինակ, եթե դիմում եք երկուշաբթի կստանաք հաջորդ երկուշաբթի:
