Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանում հետաձգվեց «ֆինանսական բուրգի» գործով հերթական նիստը:
Նախքան նիստը սկսվելը ամբաստանյալի համար շտապօգնություն էին կանչել, քանի որ վերջինս իրեն լավ չի զգացել:
Շտապօգնության բժիշկը դատավորին ներկայացրել է ամբաստանյալ Ա․ Ա․-ի առողջական վիճակի մասին տեղեկանք, ըստ որի՝ նրան հանգիստ է հարկավոր և ցանկալի կլինի նիստը հետաձգել:
Պաշտպան Մնացական Սարգսյանը միջնորդեց հետաձգել դատական նիստը:
Տուժող կողմը միաձայն առարկեց այս միջնորդությանը:
«Սա միտումնավոր է արվում, որ դատական նիստերը հետաձգվի: Ես կասկածի տակ եմ դնում բժշկի գրածը և կդիմեմ համապատասխան մարմիններին»,- ասաց տուժող Գևորգ Թադևոսյանը:
Ըստ դատավոր Գագիկ Պողոսյանի՝ ողջամիտ չի լինի շարունակել դատական նիստը, քանի որ ամբաստանյալին բացի ցավազրկողից նաև թմրեցնող են ներարկել:
Դատական նիստը հետաձգվեց՝ նշանակվելով օգոստոսի 25-ին:
Արև Ավագյան
