Չինական բանակի Արևելյան հրամանատարական գոտին հայտնել է, որ երեքշաբթի երեկոյան մի շարք ռազմական գործողություններ կսկսի Թայվանի մոտ, հաղորդում են լրատվամիջոցները․ այս մասին գրում է РИА Новости-ին։
Դրանք կընդգրկեն նաև այնպիսի գործողություններ, ինչպիսիք են Թայվանի նեղուցում մարտական հրաձգության իրականացում, առանց միջուակյին մարտագլխիկի հրթիռների փորձարկում։
Բացի այդ, օգոստոսի 4-ից 7-ը Թայվանի շրջակայքի վեց շրջաններում մարտական հրաձգության վարժանքներ կանցկացվեն, իսկ բանակը բերվել է մարտական պատրաստության, հայտնել է նաև Չինաստանի պաշտպանության նախարարությունը։
ԱՄՆ Ներկայացուցիչների պալատի խոսնակ Նենսի Փելոսին երեքշաբթի երեկոյան ժամանել է Թայբեյի Սոնգշան օդանավակայան․ սա ԱՄՆ Ներկայացուցիչների պալատի խոսնակի առաջին ուղևորությունն էր կղզի՝ 1997 թվականից ի վեր: Պաշտոնական Վաշինգտոնն ասել է, որ խոսնակն ինքն է որոշումներ կայացնում։
Չինաստանի արտաքին գործերի նախարարությունը խիստ բողոք է ներկայացրել քաղաքական գործչի այցի դեմ և դատապարտել այն, հայտնել են նախարարությունից։ Նրա ուղեւորությունը լրջորեն խախտում է «Մեկ Չինաստան» սկզբունքը եւ չին-ամերիկյան երեք կոմյունիկեի դրույթները։ Պեկինը նաև կոչ է արել Վաշինգտոնին դադարեցնել Թայվանի խաղաքարտը, որպեսզի փորձի վերահսկել Չինաստանը:
Սպիտակ տունը կարծում է, որ Փելոսիի այցը Թայվան չի եղել Չինաստանի ինքնիշխանության խախտում, մինչդեռ ԱՄՆ վարչակազմը վստահեցրել է, որ «ինքն իրեն թույլ չի տա վախեցնել»։ Ամերիկյան իշխանությունները պնդում են, որ տարածաշրջանում լարվածության սրման պատճառներ չկան։
