ՀՀ երկրորդ նախագահ Ռոբերտ Քոչարյանի հանդեպ խափանման միջոցի ընտրության վերաբերյալ որոշման մասին գործը կքննվի վերաքննիչ քրեական դատարանի դատավոր Ռուբիկ Մխիթարյանի նախագահությամբ։
Երեկ՝ նոյեմբերի 23-ին, Վերաքննիչ քրեական դատարանի նախագահի ժամանակավոր պաշտոնակատար Մխիթար Պապոյանը վիճակահանություն է անցկացրել դատարանի բոլոր դատավորների միջև, որպեսզի որոշվի, թե ՀՀ 2-րդ նախագահ Ռոբերտ Քոչարյանի կալանքի գործն ով պետք է քննի:
Վիճակահանության արդյունքում Քոչարյանի գործը հանձնվել է դատավոր Ռուբիկ Մխիթարյանին:
Այս տեղեկությունը տրամադրել էր մեր աղբյուրը, որը Իրավաբան.net-ի հետ զրույցում հաստատեց ՀՀ 2-րդ նախագահ Ռոբերտ Քոչարյանի փաստաբանական թիմի հասարակայնության հետ կապերի խորհրդական Էլեն Առաքելյանը:
դատավոր Ռուբիկ Մխիթարյանը
Հիշեցնենք, որ Վճռաբեկ դատարանը նոյեմբերի 15-ին հրապարակել էր ՀՀ երկրորդ նախագահ Ռոբերտ Քոչարյանի հանդեպ խափանման միջոց ընտրելու որոշման վերաբերյալ կողմերի ներկայացրած բողոքների վերաբերյալ որոշումը։
Վճռաբեկ ատյանը դատախազության բողոքը բավարարեց մասնակի, Իսկ Քոչարյանի պաշտպանների միջնորդություններն ամբողջությամբ մերժվեցին:
Վերաքննիչ ատյանի որոշումը բեկանվել է և ուղարկվել նոր քննության նույն դատարանում:
