-ինԿաթոլիկ եկեղեցու նոր գահակալ Հռոմի պապ Լևոն XIV-ը այսօր՝ մայիսի 9-ին, Սիքստինյան մատուռում մատուցել է իր առաջին պատարագը՝ ընտրվելուց ընդամենը 24 ժամ անց։ Իր քարոզում նա նախազգուշացրել է հավատքի պակասի վտանգների մասին և հույս հայտնել, որ եկեղեցին կարող է դառնալ լույս աշխարհում տիրող «մութ գիշերների» մեջ։

Նոր պապը՝ նախկին կարդինալ Ռոբերտ Պրևոստը, ով նաև Կաթոլիկ եկեղեցու պատմության մեջ առաջին ամերիկացին է այս պաշտոնում, հանդես է եկել հանգիստ և վստահ տեսքով։ Նա ծնվել է Չիկագոյում, սակայն երկու տասնամյակ որպես միսիոներ ծառայել է Պերուում։

Պատարագի ժամանակ նա սկզբում խոսել է անգլերեն, ապա քարոզը շարունակել սահուն իտալերենով։ Քարոզում 69-ամյա հոգևոր առաջնորդն ընդգծել է, որ ցանկանում է ծառայել որպես «հավատարիմ կառավարչի» դերակատար ամբողջ եկեղեցու համար։