Եվրամիությունը հոկտեմբերի 20-ին սկսել է Հայաստանի և Ադրբեջանի սահմանին իրավիճակի մոնիթորինգի առաքելություն իրականացնել։ Եվրամիության պաշտոնական կայքում մանրամասներ են ներկայացվել Հայաստանում` Ադրբեջանի հետ սահմանին տեղակայվող դիտորդական առաքելության վերաբերյալ:

Ինչո՞ւ է ԵՄ-ն մոնիթորինգի առաքելություն ուղարկում Հայաստան

ԵՄ մոնիթորինգային առաքելությունն արձագանքում է նախագահ Ալիևի, վարչապետ Փաշինյանի, Ֆրանսիայի նախագահ Մակրոնի և Եվրոպական խորհրդի նախագահ Միշելի քառակողմ հանդիպմանը ձեռք բերված պայմանավորվածությանը։ Բարձր ներկայացուցիչ Ժոզեպ Բորելի առաջարկով հոկտեմբերի 17-ին Արտաքին հարաբերությունների խորհրդում որոշում է կայացվել ԵՄ մոնիթորինգի առաքելության ստեղծման մասին։ ԵՄ առաջին դիտորդները տեղում գործում են հոկտեմբերի 20-ից: Առաքելության մանդատն է՝ վերահսկել իրավիճակը Հայաստանի և Ադրբեջանի միջև սահմանամերձ շրջաններում՝ աջակցելով երկու երկրների միջև վստահության ամրապնդմանը և ԵՄ-ին թույլ տալով աջակցել սահմանային հանձնաժողովների աշխատանքին։

Կոնկրետ ի՞նչ է պատրաստվում անել ԵՄ մոնիթորինգային կարողությունները Հայաստանում

Հայաստանում ԵՄ մոնիթորինգային կարողությունները կիրականացնեն երկու հիմնական խնդիր․ 1) աջակցել Հայաստանի և Ադրբեջանի միջև վստահության ամրապնդմանը` հետևելով երկու կողմերի հրադադարի պահպանմանը և 2) տեղում հրադադարի հետ կապված զարգացումների վերաբերյալ կանոնավոր ու ժամանակին հաշվետվությունների միջոցով ԵՄ թիմը կհետևի Հայաստանի և Ադրբեջանի միջև սահմանամերձ շրջաններում տիրող իրավիճակին:

Կոնկրետ որտե՞ղ է տեղակայվելու մոնիթորինգի առաքելությունը

Պատասխանատվության գոտին ընդգրկում է Հայաստանի և Ադրբեջանի միջև միջազգայնորեն ճանաչված սահմանի հայկական կողմը։

Արդյո՞ք ԵՄ մոնիթորինգի ներուժը ռազմական առաքելություն է

Ոչ: Կտեղակայվեն միայն քաղաքացիական դիտորդներ:

Ինչի՞ց է բաղկացած ԵՄ մոնիթորինգի առաքելությունը

Այն բաղկացած է մինչև 40 ԵՄ քաղաքացիական մոնիթորինգի փորձագետներից, որոնք գործուղվելու են երկու ամիս ժամկետով:

Արդյո՞ք ԵՄ-ի նմանատիպ մոնիթորինգային առաքելություն կտեղակայվի Ադրբեջանում

Ոչ: ԵՄ մոնիթորինգային կարողությունները կտեղակայվեն Հայաստանի և Ադրբեջանի միջև միջազգայնորեն ճանաչված սահմանի հայկական կողմում:

Ո՞րն էր հոկտեմբերի 14-ին Հայաստան ժամանած տեխնիկական գնահատման խմբի առաքելության դերը

Հայաստանում ԵՄ փորձագետների տեխնիկական գնահատման առաքելությունը նպատակ ուներ ճանապարհ հարթել երկրում ԵՄ մոնիթորինգի կարողությունների տեղակայման համար։ Նրա դերն էր հավաքել անհրաժեշտ տեղեկատվություն, տեղում գնահատել և կապ հաստատել համապատասխան շահագրգիռ կողմերի հետ:

Ի՞նչ է դիտարկելու Հայաստանի և Ադրբեջանի միջև ԵՄ մոնիթորինգային առաքելությունը:

ԵՄ դիտորդները տեղեկատվություն կտրամադրեն սահմանի երկայնքով տեղի ունեցող իրադարձությունների, այդ թվում՝ մարդու իրավունքների հետ կապված զարգացումների վերաբերյալ: Այն դատավճիռ կայացնողի դեր չի ստանձնելու։

Արդյո՞ք ԵՄ մոնիթորինգի առաքելությունը եզրակացություններ կանի այն մասին, թե ո՞ր կողմն է սկսել էսկալացիան սեպտեմբերի 13-ին և առաջարկություններ կանի հետագա սրացումները կանխելու նպատակով ձեռնարկվելիք քայլերի վերաբերյալ

Առաքելությունը քաղաքական բնույթի եզրակացություններ չի անելու, այլ փոխանցելու է իրավիճակի վերաբերյալ իր դիտարկումները եվրոպական կառույցներին ու ծառայություններին։

Արդյո՞ք ԵՄ դիտորդական առաքելությունը և ԵԱՀԿ գնահատման առաքելությունը համագործակցում են

Սրանք երկու առանձին առաքելություններ են՝ երկու տարբեր մանդատներով: ԵՄ մոնիթորինգային առաքելությունը կապի մեջ կլինի բոլոր համապատասխան միջազգային կազմակերպությունների, ներառյալ՝ ԵԱՀԿ-ի հետ։

Արդյո՞ք ԵՄ մոնիթորինգի առաքելությունը միակ միջոցն է, որով ԵՄ-ն աջակցում է Հայաստանի և Ադրբեջանի միջև լարվածության թուլացմանը

ԵՄ-ն սերտորեն ներգրավված է երկու կողմերի միջև խաղաղ գործընթացի ղեկավարման գործում։