«Բուխարեստյան իննյակի» գագաթնաժողով է հրավիրվում (անդամ երկրները՝ Լեհաստան, Ռումինիա, Բուլղարիա, Չեխիա, Էստոնիա, Լիտվա, Լատվիա, Սլովակիա, Հունգարիա) Վարշավայում՝ քննարկելու Ուկրաինայի ճգնաժամային իրավիճակը: Այս մասին հայտնում է Լեհաստանի նախագահի գրասենյակը, փոխանցում է Ukrinform-ը։
«Գագաթնաժողովի բացումը նախատեսվում է ժամը 15:00-ին (Կիևի ժամանակով): Իսկ ժամը 16:00-ի սահմաններում նախատեսվում է 9 երկրների նախագահների և Եվրահանձնաժողովի նախագահի համատեղ մասնակցությունը ՆԱՏՕ-ի գագաթնաժողովին՝ առցանց»,-ասված է Լեհաստանի հայտարարության մեջ։
Ժամը 18:30-ի սահմաններում իննյակի շրջանակներում տեղի կունենան հետագա բանակցությունները, որից հետո ժամը 19:15-ին իննյակի առաջնորդների հայտարարությունը կտրվի լրատվամիջոցներին։
Ուրբաթ առավոտյան, Ուկրաինայի նախագահ Վլադիմիր Զելենսկու հետ զրույցից հետո, Լեհաստանի Հանրապետության նախագահ Անջեյ Դուդան ասել է, որ Ռուսաստանի գործողությունները ահաբեկչական ակտ են Ուկրաինայի դեմ։
