ՀՀ 2-րդ նախագահ Ռոբերտ Քոչարյանն՝ ընդդեմ վարչապետի պաշտոնակատար Նիկոլ Փաշինյանի գործով վերաքննիչ քաղաքացիական դատարանի դատավոր Նորա Կարապետյանն ինքնաբացարկ է հայտնել:
Ռոբերտ Քոչարյանի ներկայացուցիչ Հայկ Ալումյանն Իրավաբան.net-ի հետ զրույցում հայտնեց, որ դատավորի ինքնաբացարկ հայտնելու պատճառն այն է, որ ինքը՝ Հայկ Ալումյանը, Նորա Կարապետյանի հետ բարեկամական հարաբերություններ ունի:
«Մենք ընտանիքներով մտերիմ ենք: Հիմա եթե նա այդ հայցը քններ, վաղը բոլորն ասելու էին՝ մտերիմ են ընտանիքներով, դրա համար այսպես լուծել հարցը: Ես էի ուզում իրեն միջնորդել ինքնաբացարկ հայտնել այդ հիմքով»,- նշեց Հայկ Ալումյանը:
Գործը մակագրվել է դատավոր Կարեն Չիլինգարյանին:
Հիշեցնենք, որ Ռոբերտ Քոչարյանի ներկայացուցիչ, փաստաբան Հայկ Ալումյանը սեպտեմբերի 19-ին հայցադիմում էր ներկայացրել դատարան՝ Նիկոլ Փաշինյանին հրապարակայնորեն ներողություն խնդրել պարտավորեցնելու պահանջով։ Հայցը վարույթ է ընդունվել, սակայն դեռ նիստի օր չի նշանակվել:
