Երևանի ընդհանուր իրավասության դատարանի Շենգավիթի նստավայրում այսօր՝ օգոստոսի 6-ին, հրապարակվեց Իշխան Բարսեղյանի կողմից ենթադրյալ կաշառք վերցնելու գործով դատավճիռը:
Դատավոր Վաչե Մարգարյանի նախագահությամբ՝ դատարանը Իշխան Բարսեղյանին դատապարտեց 7 տարվա ազատազրկման:
Գործով մյուս ամբաստանյալ Էլզա Զաքարյանի նկատմամբ կիրառվեց տուգանք՝ 180 հազար դրամի չափով:
Հիշեցնենք, որ Էլզա Գարեգինի Զաքարյանին մեղադրանք էր առաջադրվել այն բանի համար, որ նա, կաշառք տվողի և կաշառք ստացողի միջև կաշառքի շուրջ համաձայնության գալուն և կայացած համաձայնության իրականացմանը նպաստելով, կատարել է կաշառքի միջնորդություն:
Հիշեցնենք, որ Իշխան Բարսեղյանը բերման էր ենթարկվել «Հայրենիք» կինոթատրոնի շրջակայքում Ազգային անվտանգության ծառայության աշխատակիցների կողմից՝ 1000 ԱՄՆ դոլար կաշառք վերցնելու կասկածանքով։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:
Մանրամասները՝ տեսանյութում:
