Իրավաբան.net-ը, հետամուտ լինելով գտնել և վեր հանել սննդամթերքի շուկայում առկա ռիսկերն ու խնդիրները՝ շրջել է երևանյան սուպերմարկետներով:
Նպատակն էր գտնել գեթ մեկ ապրանքատեսակ, որի վրա գենետիկորեն մոդիֆիկացված օրգանիզմներ պարունակելու մասին սննդամթերքի մակնշում կլինի:
Հավելենք, որ մակնշումը պարտադիր է.
ԵԱՏՄ Սննդի մակնշման կանոնագրքի 4-րդ հոդվածի 11-րդ կետի համաձայն՝ այն դեպքում, եթե արտադրողն արտադրության մեջ օգտագործում է ԳՄՕ պարունակող սննդամթերք և այն ավել է 0,9 տոկոսից, ապա այն պետք է պատշաճ մակնշում ունենա:
Սակայն, փնտրում էինք մի բան, գտանք՝ մեկ ուրիշը:
Նախ նշենք, որ 100-ից ավելի ստուգված տարբեր ապրանքատեսակներից և ոչ մեկում ԳՄՕ պարունակելու մակնշում չհայտնաբերվեց: Ի ուրախություն մեզ, որոշ ապրանքատեսակների վրա հայտնաբերեցինք ԳՄՕ չպարունակելու մակնշում:
Հակառակ սրան, «ՍԱՍ» սուպերմարկետների ցանցի Իսահակյան, 35 հասցեի մասնաճյուղում և «Երևան Սիթի» սուպերմարկետների ցանցի Տիգրան Մեծ, 10 հասեցում գտնվող մասնաճյուղում նկատեցինք մի շարք մթերքներ, որոնց վրա առհասարակ հայերեն մակնշումը բացակայում էր:
Իսկ Սննդամթերքի անվտանգության մասին ՀՀ օրենքի 9-րդ հոդվածի 2-րդ կետում ասվում է՝
Սննդամթերքի, սննդամթերքի հետ անմիջական շփման մեջ գտնվող նյութերի մակնշումը հայերեն լեզվով պարտադիր է։ Սննդամթերքը, սննդամթերքի հետ անմիջական շփման մեջ գտնվող նյութերը մակնշվում են ընթեռնելի` առնվազն 3 մմ տառաչափով:
Ստորև ձեզ ենք ներկայացնում մեր կողմից նկատված սննդատեսակների լուսանկարները.
Երևան Սիթի (Տիգրան ՄԵծ, 10)
Երևան Սիթի (Տիգրան ՄԵծ, 10)
SAS (Իսահակյան, 35)
SAS (Իսահակյան, 35)
SAS (Իսահակյան, 35)
SAS (Իսահակյան, 35)
Ալիսա Չիլինգարյան
Նյութը պատրաստվել է «Հանրային վերահսկողության և կոռուպցիոն ռիսկերի կանխարգելման մեխանիզմների ուժեղացումը սննդի անվտանգության ոլորտում ծրագրի» շրջանակներում, որն իրականացվում է ՀՀ Նախագահի աշխատակազմի կողմից Իրավաբանների հայկական ասոցիացիային տրամադրվողդրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում:
Այս թեմայով կարդացեք նաև՝
- Ի՞նչ վնասակար ազդեցություններ ունի ԳՄՕ-ն և արդյո՞ք ՀՀ-ում կա նման սննդամթերք
- Հայաստանում ԳՄՕ սոյա է օգտագործվում երշիկեղենի, կետչուպների և այլ արտադրությունների մեջ
- Մտահոգություն ունենք, որ այս տարի մեր բերքը մեզ չի հերիքի. Հրաչ Բերբերյան
- Ասում ենք, թե ռիսկի վրա հիմնված սննդի անվտանգություն ունենք, իսկ իրականում չունենք. Դավիթ Պիպոյան
- Ստուգումներ Երևանի մանկապարտեզներում, բայց ոչ գիշերօթիկ հաստատություններում
- Որքանո՞վ է էժան նստում ԳՄՕ մթերքի արտադրությունը
- «Օրգանիկ սնունդ» մակնշումը մարքեթինգային քայլ է. սննդաբան
- ԳՄՕ-ի վնասակարությունն արդեն ոչ թե գիտական խնդիր է, այլ էմոցիոնալ հարց. Հասմիկ Աբովյան
- Սննդի անվտանգության տեսուչների ցածր աշխատավարձը հանգեցնում է կոռուպցիոն ռիսկերի
- Ինչու՞ է մթերքից ձկան կամ այլ համ գալիս. պարզաբանում է մասնագետը
- Գումի շուկայի մսի վաճառակետերում հստակ պահանջներ են դրվել
- Խախտումներ են եղել հիմնականում կաթնամթերքի և կրեմային հրուշակեղենի սննդամթերքներում
- Մարդիկ պետք է անգրագետ լինեն, որ պիտանելիության ժամկետի վրա նոր մակնշում անեն. Վահե Դանիելյան
