Ուկրաինայի նախագահ Վլադիմիր Զելենսկին, նկարագրելով իրավիճակը ռազմաճակատում, ասել է, որ ռազմական գործողությունները ձմռանը դանդաղել են, Ռուսաստանը պատրաստվում է հաշվեհարդարի, բայց դա չի հաջողվի, փոխանցում է Украинская правда-ն։
«Պատերազմը իսկապես դանդաղում է ձմռանը։ Կան հասկանալի հանգամանքներ և հասկանալի պատճառներ։ Հոգնում են բոլորը՝ բնությունը, մարդիկ և, փառք Աստծո, թշնամին նույնպես։ Այս ամենն այսպես է թվում՝ ամենօրյա կատաղի մարտեր մեր արևելքում։ Մենք կանգնած ենք անսասան և ամուր…
Ինչ վերաբերում է մեր նահանգի մյուս հատվածներին՝ հարավային և հյուսիսային, մենք վերահսկում ենք իրավիճակը…
Մենք տեսնում ենք, որ Ռուսաստանը փորձում է առաջ գնալ, ուժեղանալ ու պատրաստվել ռևանշի։ Մենք հավատում ենք, որ նրանց չի հաջողվի, քանի որ նրանք պայքարում են ոչ թե Ուկրաինայի դեմ, այլ կյանքի նկատմամբ քաղաքակիրթ մոտեցման դեմ»,-նշել է Զելենսկին։
Հիշեցնենք, որ ռուս-ուկրաինական պատերազմը կամ «հատուկ գործողությունը» սկսել է 2022 թվականի փետրվարի 24-ին։
Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր հատվածներում, այդ թվում՝ մայրաքաղաք Կիևի մերձակայքում։
Միևնույն ժամանակ, Դոնեցկի (ԴԺՀ) և Լուգանսկի (ԼԺՀ) ինքնահռչակ հանրապետությունների զինված կազմավորումները սկսեցին ռազմական գործողություններ Ուկրաինայի Զինված ուժերի դեմ Դոնբասի ամբողջ ճակատային գծի երկայնքով և մի շարք վայրերում անցան հարձակման։
