Ֆրանսիան չի ճանաչում ինքնահռչակ Լեռնային Ղարաբաղի Հանրապետությունը, ասել է Ֆրանսիայի ԱԳՆ խոսնակը, փոխանցում է РИА Новости-ին։
Չորեքշաբթի երեկոյան Ֆրանսիայի Սենատը ձայների բացարձակ մեծամասնությամբ բանաձեւ է ընդունել, որով երկրի կառավարությանը հորդորել է ճանաչել Լեռնային Ղարաբաղը: Միևնույն ժամանակ, Ֆրանսիայի արտաքին գործերի նախարարության պետքարտուղար Ժան-Բատիստ Լեմուանը բանաձևի քննարկման ժամանակ հայտարարել է, որ Ֆրանսիայի կողմից Լեռնային Ղարաբաղի անկախության միակողմանի ճանաչումը ոչ ոքի օգուտ չի բերի և չի օգնի խաղաղ գործընթացն առաջ տանելուն:
«Քվեարկությունից առաջ բանավեճի ժամանակ (Սենատում) Զբոսաշրջության հարցերով պետքարտուղար Ժան-Բատիստ Լեմուանը… հիշեցրել է Ֆրանսիայի կառավարության դիրքորոշումն այս հարցի վերաբերյալ. Ֆրանսիան չի ճանաչում Լեռնային Ղարաբաղի Հանրապետությունը», – ասվում է ԱԳՆ խոսնակի հայտարարության մեջ:
