Սեպտեմբերի 1-ից ուժի մեջ է մտել ՆԳՆ նոր կարգավորումը՝ ճանապարհային երթևեկության վերաբերյալ:
Համաձայն դրա՝ եթե 2 մեքենայի վթարի դեպքում վարորդները չունեն վեճ մեղավորության վերաբերյալ և որոշել են լրացնել համաձայնեցման հայտարարագիր, ինչպես նաև մեքենաները չունեն շահագործումն արգելող տեխնիկական անսարքություն, ապա պարտադիր է 20 րոպեում ազատել պատահարի վայրը:
Հակառակ դեպքում՝ կիրառվելու է 30 հազար դրամ տուգանք:
ՆԳՆ սոցիալական էջերում արված մեկնաբանությունից iravaban.net-ը նաև տեղեկանում է, որ օրենքի փոփոխությունը վերաբերում է միայն համաձայնեցված հայտարարագիր լրացնելուն, որի դեպքում թե նախկին և թե գործող կարգավորումներով պարեկային ծառայողը պատահարի վայր չի ժամանում։ Այդ մասով փոփոխություն տեղի չի ունեցել։
