Փախուստ կատարած անձն ազատվում է քրեական պատասխանատվությունից, եթե քրեական վարույթը կարճվել կամ արդարացման դատավճիռ է կայացվել այն գործով, որով անձը դատապարտվել էր ազատազրկման, կալանավորվել կամ ձերբակալվել էր:
Օրենքի տառի համապատասխան հանցանքի կատարման՝ փախուստի վայրեր են համարվում գաղութները՝ ազատազրկման վայրերը, քննչական մեկուսարանները՝ կալանավորվածներին պահելու վայրերը, արգելատները՝ ձերբակալվածներին պահելու վայրերը:
Նշենք նաև, որ ազատազրկման վայրից փախուստի դիմելն անմիջապես խախտում է նախաքննական մարմինների, դատարանների, ինչպես նաև քրեակատարողական մարմինների օրինական գործունեությունն ապահովող հասարակական հարաբերությունները:
