Ես հենց նոր խոսեցի Իրանի նախագահ Մասուդ Փեզեշքիանի հետ։ Այս մասին հայտնել է Ֆրանսիայի նախագահ Էմանուել Մակրոնը։
«Իմ առաջին ուղերձը մեր հայրենակիցներ Սեսիլ Կոլերի և Ժակ Պարիի անհապաղ ազատ արձակումն էր, որոնք ավելի քան երեք տարի պատանդ են պահվում Իրանի ռեժիմի կողմից անընդունելի պայմաններում։
Տարածաշրջանում անկայունության լուրջ ռիսկի լույսի ներքո ես կոչ արեցի, որ Իրանում և ամբողջ տարածաշրջանում մեր դիվանագիտական առաքելություններն ու քաղաքացիները որևէ պարագայում չենթարկվեն հարձակման։ Ես նաև կոչ արեցի առավելագույն զսպվածության՝ էսկալացիայից խուսափելու համար։
Իրանի միջուկային ծրագիրը լուրջ մտահոգության առարկա է և պետք է լուծվի բանակցությունների միջոցով։
Հետևաբար, ես կոչ արեցի նախագահ Փեզեշքիանին հնարավորինս շուտ վերադառնալ բանակցությունների սեղանի շուրջ՝ համաձայնության հասնելու համար, որը դեէսկալացիայի միակ կենսունակ ուղին է։
Մենք պատրաստ ենք անել մեր մասը և մոբիլիզացնել մեր բոլոր ջանքերը՝ այս նպատակին հասնելու համար», – գրել է Ֆրանսիայի նախագահը։
