Ադրբեջանի պաշտպանության նախարարությունը հայտարարություն է տարածել, անդրադառնալով Հայաստանի և Ֆրանսիայի միջև CAESAR թնդանոթների ձեռքբերման պայմանագրի ստորագրումը։
Հայտարարության մեջ նշվում է, թե Ֆրանսիան Հայաստանին մահաբեր և հարձակողական հրետանի է մատակարարում, ինչը վկայությունն է Հարավային Կովկասում Ֆրանսիայի «սադրիչ» գործողությունների։
«Մակրոնի ռեժիմը խոչընդոտ է Հայաստանի և Ադրբեջանի միջև հարաբերությունների կարգավորմանը և տարածաշրջանում կայուն խաղաղության ապահովմանը։ Ֆրանսիայի ներկայիս ղեկավարությունը, որն իր ապակառուցողական և կողմնակալ քաղաքականության պատճառով դուրս է մնացել կարգավորման և տարածաշրջանային գործընթացներից, չի կարող դա ներել Ադրբեջանին և հետևաբար շարունակում է իր ապակառուցողական քաղաքականությունը։
Հայտարարում ենք, որ հարավկովկասյան տարածաշրջանում իրավիճակի սրման և պատերազմի նոր օջախ ստեղծելու պատասխանատվությունն ամբողջությամբ ընկնելու է «ռևանշիստական» քաղաքականություն վարող Հայաստանի ղեկավարության և Մակրոնի բռնապետության վրա»,-ասվում է հայտարարության մեջ։
