Թուրքիայի նախագահ Ռեջեփ Թայիփ Էրդողանի որոշմամբ պետական ծառայողների աշխատավարձերը կբարձրացվեն 45 տոկոսով։
Թուրքիայի նախագահի խոսքով՝ պետական ծառայողների նվազագույն աշխատավարձը կբարձրանա մինչև 15 հազար լիրա (770 դոլար)։ Բացի այդ, եւս 10 տոկոս կավելանա վետերաններին, ահաբեկչության զոհերին ու մահացածների հարազատներին։
Էրդողանի խոսքով՝ կառավարությունը նախատեսում է 70 տոկոսով ավելացնել արտաժամյա աշխատանքի վարձատրությունը։
«Մենք նախատեսում ենք, որ գիշերային աշխատողների աշխատավարձը կավելանա ութ տոկոսով։ Մենք թարմացնում ենք հագուստի և պարենային աջակցության թվերը և ավելացնում դրանք աշխատավարձի աճի տեմպերով։ Աճ ունենք նաև այնպիսի թեմաներով, ինչպիսիք են հավելավճարները, սոցիալական աջակցության վճարումները, ծառայությունների բարելավումը։ Նույնիսկ մեր երկրի ամենադժվար ժամանակներում մենք բոլոր ոլորտներում հետևում ենք այս մոտեցմանը, հատկապես մեր աշխատակիցների աշխատավարձերի բարձրացման հարցում»,- ասել է Ռեջեփ Թայիփ Էրդողանը։
