Ադրբեջանի Գաբալա քաղաքում անցկացված «Թյուրքական պետությունների կազմակերպության»12-րդ գագաթնաժողովի ընթացքում Ադրբեջանի նախագահ Իլհամ Ալիևը հանդես է եկել առաջարկով։ Կազմակերպության անդամ երկրներին նա առջարկել է Ադրբեջանում անցկացնել համատեղ զորավարժություն։ Ադրբեջանի ղեկավարը նաև հիշեցրել է, որ վերջին մեկ տարում Թուրքիայի հետ անցկացրել են ավելի քան 25 զորավարժություն, այս մասին Iravaban.net-ը տեղեկանում է «Էրմենիհաբեր»-ից։
«Հաշվի առնելով մեր երկրների միջև ռազմական և անվտանգության ոլորտներում լայնածավալ համագործակցությունը՝ առաջարկում ենք 2026-ին Թյուրքական պետությունների կազմակերպության անդամ պետությունների միջև համատեղ զորավարժությունն անցկացնել Ադրբեջանում»,- նշել է Ալիևը։
