«Հանրապետական» խմբակցության անդամ, ԱԺ պատգամավոր Մհեր Սեդրակյանը խորհրդարանում «Ա1+»-ի լրագրող Մհեր Արշակյանի հետ տեղի ունեցած միջադեպի ընթացքում խախտել է էթիկայի կանոնները:
Այսօր դռնփակ նիստում, քննարկելով «Թրանսփարենսի Ինթերնեշնլ» հակակոռուպցիոն կենտրոնի դիմումը, այս որոշումն է կայացրել հանձնաժողովը: Այս մասին նիստի ավարտից հետո լրագրողներին հայտնեց ԱԺ Էթիկայի հանձնաժողովի նախագահ Դավիթ Հարությունյանը:
Պատգամավորը խախտել է «ԱԺ կանոնակարգ» օրենքի 6.1-րդ հոդվածի 2-րդ մասի «է» կետը, այն է` ամենուր և ցանկացած գործունեությամբ զբաղվելիս դրսևորել պատգամավորին վայել վարքագիծ:
Լուսանկարը՝ «Ա1+» -ի
Աղբյուրը՝ Իրավաբան.net
