Աշոտ Սարգսյանը վերաքննիչ վարչական դատարանի դատավոր է աշխատում 2010 թվականից: Մինչ այդ նա աշխատել է նաև ՀՀ տնտեսական գործերով վերաքննիչ դատարանի դատավոր, տնտեսական դատարանի դատավոր, վարչական դատարանի դատավոր:
Իրավաբան.net-ը շարունակում է ձեզ ներկայացնել դատական իշխանության ներկայացուցիչների գույքի ու եկամուտների հայտարարագրերը:
Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրի համաձայն Աշոտ Սարգսյանը 2011 թ-ին հայտարարագրել է 6000 դոլար և աշխատավարձից ու փոխառությունից ստացված 12,5 միլիոն դրամ:
2012 և 2013 թվականներին-ին նրա խնայողությունները մնացել են նույնը, եկամուտը ստացվել է աշխատավարձից ու կազմել 10 միլիոն 770 հազար դրամ, 2013 թ-ին՝ 11 միլիոն 228 հազար դրամ:
2014 թ-ին դատավորի խնայողությունները նվազել են՝ կազմելով 1000 դոլար: Աշխատավարձից ստացված եկամուտը կազմել է 11 միլիոն 921 հազար դրամ:
2015-2018 թ-ներին դրամական միջոցները մնացել են նույնը՝ 1000 դոլար, եկամուտները յուրաքանչյուր տարում կազմել են շուրջ 13,5 միլիոն դրամ:
Դատավոր Աշոտ Սարգսյանի կինը՝ Մարինա Քերոբյանը հայտարարագրել է.
2011 թ. – աշխատավարձից ստացված եկամուտը՝ 720 000 դրամ: 2012 թ 2013 թվականներին նրա եկամուտներսը ստացվել են կենսաթոշակից և կազմել՝ 462 հազար դրամ, և 516 հազար դրամ: 2014-2018 թները կենսաթոշակից ստացված եկամուտները կազմել են – 576 հազարական դրամ:
Դատավորի դուստրը՝ Լուսինե Սարգսյանը հայտարարագրել է աշխատավարձից ստացված եկամուտները՝ 2011 թ-ին 760 հազար դրամ, 2012 թ-ին՝ 1 միլիոն 200 հազար դրամ, 2013 թ-ին ՝ 1 միլիոն 356 հազար դրամ:
Աշոտ Սարգսյանի որդու՝ Արթուր Սարգսյանի 2017 և 2018 թվակնների հայտարարագրրում ոչինչ նշված չէ:
Կարդացեք նաև՝
