Արաիկ Թունյանը 2014 թ. հունիսի 9-ին  Ազգային ժողովի որոշմամբ նշանակվել է Հայաստանի Հանրապետության սահմանադրական դատարանի անդամ։

2005 – 2007 թթ. աշխատել է նախագահի աշխատակազմի պետաիրավական վարչության պետի պաշտոնում։

2007 – 2014 թթ. զբաղեցրել է նախագահի աշխատակազմի իրավաբանական վարչության պետի պաշտոնը։

Իրավաբանական գիտությունների թեկնածու է, դոցենտ։

Իրավաբան.net-ը ձեզ է ներկայացնում նրա գույքի և եկամուտների հայտարարագրերը: 

2014 թվականին ՍԴ անդամի պաշտոնը ստանձնելիս վերջինս հայտարարգրել է 1 բնակարան և 2 հողամաս, GAZ 20 POBEDA մակնիշի մեքենա: 

Պաշտոնը ստանձնելու դրությամբ դրամական միջոցները հետևյալն են.

• 2,3 միլիոն դրամ,
• 3,5 հազար դոլար,
• 500 եվրո:

Եկամուտների աղբյուր նշվել են աշխատավարձեր, որը կազմել է 1,526,000 դրամ:

2015 թվականին, հարկային տարվա վերջում Արաիկ Թունյանը հայտարարգրել է հետևյալ դրամական միջոցները.

• 2,1 միլիոն դրամ,
• 4000 դոլար,
• 1200 եվրո:

Վերջինս հայտարարագրել է նաև եկամուտներ, որոնք ստացվել են 3 աշխատավարձերից՝ 4,875,400 դրամ:

2016 թվականին Արաիկ Թունյանը ձեռք է բերել անհատական բնակելի տուն՝ 24 միլիոն դրամ արժողությամբ:

Դրամական միջոցները, հարկային տարվա սկզբում՝

• 1,8 միլիոն դրամ
• 8500 դոլար
• 2200 եվրո

Հարկային տարվա վերջում՝

• 850 հազար դրամ
• 2600 դոլար
• 2500 եվրո

Եկամուտները ստացվել են 3 աղբյուրից՝ 2 աշխատավարձերից, ստացված փոխարությունից և կազմել 27,354,430 դրամ:

2017 թվականին ՍԴ անդամը հարկային տարվա վերջում հայտարարագրել է.

• 350 հազար դրամ,
• 2500 դոլար,
• 2000 եվրո:

Եկամուտները ստացվել են 3 աղբյուրից՝ աշխատավարձերից, ինչը կազմել է 10,651,430 դրամ:

Արաիկ Թունյանի կինը՝ Հասմիկ Օլոյանը 2014 թվականի տարեկան հայտարարգրում հարկային տարվա սկզբում հայտարարագրել է 1000 դոլար, հարկային տարվա վերջում՝ 1500 դոլար, ինչպես նաև եկամուտը՝ ստացված աշխատավարձից, որը կազմել է 2 միլիոն 193 հազար դրամ:

2015 թվականի տարեկան հայտարարագրում հարկային տարվա սկզբում հայտարարագրել է 1500 դոլար, հարկային տարվա վերջում՝ 3100 դոլար և 600 հազար դրամ, ինչպես նաև եկամուտը՝ ստացված աշխատավարձից, որը կազմել է 2 միլիոն 461 հազար դրամ:

2016 և 2017 թվականների հայտարարգրերում ոչ մի տվյալ չկա նշված:

Որպես համատեղ բնակվող անձ նշված Արթուր և Աննա Թունյանները ներկայացրել են հայտարարգրեր, սակայն դրանցում տվյալներ ևս առկա չեն:

Ձեզ ենք ներկայացնում նաև Արաիկ Թունյանի կենսագրությունը.

Արայիկ Թունյանը ծնվել է 1966 թ. հունվարի 6-ին Ստեփանավան քաղաքում։

1984 – 1986 թթ. ծառայել է Խորհրդային բանակում։

1991 թ. գերազանցությամբ ավարտել է Մ.Վ. Լոմոնոսովի անվան Մոսկվայի պետական համալսարանի իրավաբանական ֆակուլտետը։

1995 թ. ավարտել է Ռուսաստանի գիտությունների ակադեմիայի ասպիրանտուրան՝ ստանալով իրավաբանական գիտությունների թեկնածուի գիտական աստիճան։

2004թ.ստացել է «Տնտեսություն եւ ձեռնարկատիրություն» թեմայով որակավորում Առեւտրի համաշխարհային կազմակերպության Ինֆորմացիոն տեխնոլոգիաների տարածաշրջանային ինստիտուտում(Եգիպտոս, Կահիրե)։

2007թ. ստացել է «Եվրաինտեգրացում. սահմանադրական եւ օրենսդրական բարեփոխումներ» թեմայով որակավորում Եվրոպայի Խորհրդի Վենետիկյան հանձնաժողովի քարտուղարությունում (Իտալիա, Տրիեստ)։

1999 – 2005 թթ. աշխատել է ՀՀ արդարադատության նախարարությունում՝որպես օրենսդրական հարցերի վարչության գլխավոր խորհրդատու, օրենսդրական հարցերի վարչության պետի տեղակալ, տնտեսական օրենսդրության բաժնի պետ։

2000 թ.-ից դասավանդում է Հայ-Ռուսական (Սլավոնական) համալսարանի իրավաբանական ֆակուլտետում, իսկ 2004 թ.-ից Հայ-Ռուսական (Սլավոնական) համալսարանի քաղաքացիական իրավունքի եւ քաղաքացիական դատավարության ամբիոնի վարիչն է։

2005 – 2007 թթ. աշխատել է ՀՀ Նախագահի աշխատակազմի պետաիրավական վարչության պետի պաշտոնում։

2007 – 2014 թթ. զբաղեցրել է ՀՀ Նախագահի աշխատակազմի իրավաբանական վարչության պետի պաշտոնը։

2014 թ. հունիսի 9-ին ՀՀ Ազգային ժողովի որոշմամբ նշանակվել է Հայաստանի Հանրապետության սահմանադրական դատարանի անդամ։

2002 թ. շնորհվել է արդարադատության առաջին դասի խորհրդականի դասային աստիճան։

Հայաստանի Հանրապետության Նախագահի 2011 թվականի դեկտեմբերի 29-ի հրամանագրով շնորհվել է Հայաստանի

Հանրապետության քաղաքացիական ծառայության 1-ին դասի պետական խորհրդականի դասային աստիճան։

Հայաստանի Հանրապետության Նախագահի 2013 թվականի դեկտեմբերի 28-ի հրամանագրով պարգեւատրվել է «Մխիթար Գոշ» մեդալով։

Իրավաբանական գիտությունների թեկնածու, դոցենտ է։

Գիտական աշխատությունների հեղինակ է իրավունքի տեսության, քաղաքացիական իրավունքի, քաղաքացիական դատավարության եւ հողային իրավունքի բնագավառներում։

Ամուսնացած է, ունի որդի եւ դուստր։

Եվգենյա Համբարձումյան