ՀՀ Օրհներգը «Մեր Հայրենիք» ընդունվել է 1991 թվականի հուլիսի 1-ին և հիմնված է Առաջին Հանրապետության օրհներգի վրա՝ տեքստի չնչին փոփոխությունենրով։ Հիմնի տեքստը հարմարեցված է Միքայել Նալբանդյանի կողմից գրված «Իտալացի աղջկա երգը» բանաստեղծությունից:

ՀՀ օրհներգի երաժշտության հեղինակն է Բարսեղ Կանաչյանը:

Ամանորի գիշերը` կենգիշերին, ղողանջում են զանգերը և ՀՀ օրհներգի հնչյունները:

Ինչո՞վ է այն պայմանավորված:

Վերջինս իրականում պայմանավորված է այն հանգամանքով, որ այն սահմանված է Օրենքով:

Այսպես, համաձայն ՀՀ Օրհներգի մասին Օրենքի՝

Հայաստանի Հանրապետության օրհներգը հեռարձակվում է Հայաստանի Հանրապետության տարածքում գործող բոլոր հեռուստաընկերությունների և ռադիոընկերությունների կողմից` անկախ սեփականության ձևից, ամեն օր`

ա) հեռարձակման սկզբին և ավարտին.

բ) ժամը 6.00-ին և 24.00-ին` շուրջօրյա հեռարձակման դեպքում.

գ) Ամանորի գիշերը` Երևան քաղաքի Հանրապետության հրապարակի ժամացույցի զարկերից հետո:

Աղբյուր՝ Իրավաբան.net