Օտարերկրյա քաղաքացիները, ովքեր մտադիր են մուտք գործել Ամերիկայի Միացյալ Նահանգներ, պետք է նախ ստանան վիզա, որը կփակցվի նրանց անձնագրում, որն հանդիսանում է քաղաքացիության երկրի կողմից այդ անձին տրված ճամփորդական փաստաթուղթը:
ԱՄՆ օրենքով՝ Պետքարտուղարությունն է իրավասու տրամադրելու վիզաներ, և վիզաների մեծ մասը տրամադրվում են Պետքարտուղարության՝ արտերկրում գործող դեսպանություններից կամ հյուպատոսական հիմնարկներից մեկում։ ԱՄՆ հյուպատոսական հիմնարկի պաշտոնյան կուսումնասիրի Ձեր դիմումը հարցազրույցի ժամանակ և կորոշի, թե արդյոք Դուք կարող եք ստանալ վիզա։
Այս մասին տեղեկանում ենք Հայաստանում ԱՄՆ դեսպանատնից:
Վիզան Ձեզ իրավունք չի տալիս մուտք գործել ԱՄՆ։ Վիզայում պարզապես նշվում է, որ Ձեր դիմումն ուսումնասիրվել է ԱՄՆ հյուպատոսական հիմնարկի պաշտոնյայի կողմից ԱՄՆ դեսպանությունում կամ հյուպատոսական հիմնարկում, և որ այդ պաշտոնյան որոշում է կայացրել, որ դուք իրավունք ունեք մեկնելու անցման կետ որոշակի նպատակով։
Ո՛չ CSRA ընկերությունը, ո՛չ էլ մեր անձնակազմի անդամներից որևէ մեկը որևէ դերակատարություն կամ ազդեցություն չունի վիզա ստանալու Ձեր դիմումի վերջնական արդյունքի վրա։
