«Վարչական իրավախախտումների վերաբերյալ» ՀՀ օրենսգրքի 137–րդ հոդվածի համաձայն սահմանված է անտոմս երթևեկության համար վարչական պատասխանատվության դրույթները.
Այսպես, ընդհանուր օգտագործման երկաթուղային տրանսպորտով անտոմս երթևեկելը`
առաջացնում է տուգանքի նշանակում` սահմանված նվազագույն աշխատավարձի քսանապատիկի չափով:
Հինգից մինչև տասը տարեկան անտոմս երեխաներ փոխադրելը`
առաջացնում է տուգանքի նշանակում.
մերձքաղաքային գնացքներով` սահմանված նվազագույն աշխատավարձի երեք տոկոսի չափով.
տեղական և հեռավոր հաղորդակցության գնացքներով` սահմանված նվազագույն աշխատավարձի հինգ տոկոսի չափով:
Ուղևորների անտոմս երթևեկելը տրոլեյբուսով, տրամվայով, քաղաքային և մերձքաղաքային հաղորդակցության ավտոբուսներով, երթուղային տաքսիով, մետրոպոլիտենով`
առաջացնում է տուգանքի նշանակում սահմանված նվազագույն աշխատավարձի երեք տոկոսի չափով:
Միջքաղաքային հաղորդակցության ավտոբուսով անտոմս երթևեկելը`
առաջացնում է տուգանքի նշանակում սահմանված նվազագույն աշխատավարձի հինգ տոկոսի չափով:
Տուգանքի վճարումը ուղևորին չի ազատում ուղևորության արժեքը վճարելուց:
