Կոռուպցիան Հայաստանում. ինչպե՞ս դուրս գալ ստեղծված իրավիճակից

2015-11-20 / 22 00

Որո՞նք են կոռուպցիայի դեմ պայքարի հենասյուները: ԱՄՆ շրջանավարտների ասոցիացիայի հիմնադիր անդամ, ՀԵԻԱ նախագահ, ՔՀԿ-ների հակակոռուպցիոն կոալիցիայի քարտուղարության համակարգող Կարեն Զադոյանի խոսքերով հենասյուները երեքն են՝ հակակոռուպցիոն կրթություն, կոռուպցիայի կանխարգելում և պատժի կիրառում:

Երիտասարդ առաջնորդների հակակոռուպցիոն դպրոցի շրջանակներում պարոն Զադոյանը ներկայացրեց «Կոռուպցիայի դեմ պայքարը Հայաստանում. ներկա վիճակ, մարտահրավերներ և զարգացման հեռանկարներ» թեման:

Նա առանձին խոսեց հենասյուներից, այնուհետև նշեց, որ մեր երկրում առկա են երեք խումբ մարտահրավերներ, նախ հասարակության հակակոռուպցիոն և գիտակցության ցածր մակարդակն է խոչընդոտում պայքարին, բացի այդ կոռուպցիոն ռիսկերի բարձր աստիճան կա ՀՀ օրենսդրությունում:

Ինչպե՞ս դուրս գալ իրավիճակից, առաջնային բաղադրատոմսը հետևյալն է. «Պետք է հասարակության շրջանում իրականացնել հակակոռուպցիոն կրթության արդյունավետ և շարունակական համապետական ծրագիր, ստեղծել բազմաֆունկցիոնալ մասնագիտական հակակոռուպցիոն մարմին, քրեականացնել ապօրինի հարստացումը և օրենսդրորեն ամրագրել տեղեկատվություն հայտնող անձանց պաշտպանությունը և երաշխիքները, ինչպես նաև իրականցնել վերոհիշյալի իրականացումը ապահովող մի շարք կարևոր և համալիր գործողություններ»,- նշեց ՀԵԻԱ նախագահը:

Զեկուցումից հետո ունկնդիրները բաժանվեցին 3 թիմերի՝ կատարելով խմբային աշխատանք:

Այնուհետև Հակակոռուպցիոն կրթության դերը, նշանակությունը և շահառուները թեմայով զեկուցում ունեցավ ՀԵԻԱ վարչության անդամ, փաստաբան Մարատ Ատովմյանը:

Նա նախ մեջբերումներ արեց հայտնի առաջնորդներից, ովքեր պայքարել են կոռուպցիայի դեմ. «Չի կարող լինել ոչ մի իրական հաղթանակ մեր կոռուպցիայի դեմ պայքարում, եթե չփոխվի վերաբերմունքը ողջ հասարակությունում»,- Հոնգ Կոնգի անկախ հակակոռուպցիոն գործակալության առաջին տնօրեն Ջեկ Կատերի խոսքերը ցիտեց պարոն Ատովմյանը:

Փաստաբանը նաև խոսեց հակակոռուպցիոն կրթության մեթոդաբանությունից և միջազգային փորձից:

Պարոն Ատովմյանը նաև ունկնդիրներին ներկայացրեց հակակոռուպցիոն բնույթի կոմիքսներ, տվեց հանձնարարություններ:

Միջոցառմանը ներկա էր նաև ՀՀ-ում ԱՄՆ դեսպանատան շրջանավարտների հարցերով համակարգող Լուսինե Մկրտչյանը:

Կարդացեք նաև՝

Շրջայց ոստիկանության համակարգում, հետաքրքիր հարցեր և լեզուների իմացության ստուգում. Երիտասարդ առաջնորդների հակակոռուպցիոն դպրոց

Ինչո՞ւ ՔՀԿ-ների հակակոռուպցիոն կոալիցիան կայացավ

Ի՞նչ հաջողության պատմություններ ունեն հակակոռուպցիոն կենտրոնները

Հանրությունը պետք է պատրաստ լինի մինչև վերջ գնալուն. սեմինար հակակոռուպցիոն թեմայով

Պետական գնումների ոլորտի կոռուպցիան ամենավտանգավորն է պետության և հասարակության համար

Հանրային վերահսկողության կարևորությունը կոռուպցիայի դեմ պայքարում

«Առաջին դասից սկսած մենք քարոզում ենք՝ կոռուպցիայից հեռու մնացեք». Արա Զոհրաբյան

Ինչպե՞ս վերլուծել բարձրաստիճան պաշտոնատար անձանց հայտարարագրերը