Սարսափելի ողբերգություն Բրովարիում: Այս մասին ֆեյսբուքյան իր էջում գրառում է կատարել է Ուկրաինայի արտաքին գործերի նախարար Դմիտրի Կուլեբան։
«Պատերազմի ու կորուստների ամենօրյա ցավի մեջ ռազմաճակատից հեռու էլ ստացանք այսպիսի սարսափելի աղետ։ Իմ խորին ցավակցություններն եմ զոհվածների ընտանիքներին և ընկերներին, վիրավորներին մաղթում եմ շուտափույթ ապաքինում։ Ես կորցրի մտերիմ գործընկերների և ընկերների՝ Դենիս Մոնաստիրսկուն և Եվգենի Ենինին:
Նրանց մահը մեծ կորուստ է ոչ միայն իմ, նրանց հարազատների ու ընկերների, այլ մեր պետության համար»,-նշել է Կուլեբան։
Ավելի վաղ հայտնել էինք, որ այսօր՝ հունվարի 18-ի առավոտյան, Բրովարիում վթարի է ենթարկվել Արտակարգ իրավիճակների պետական ծառայության ուղղաթիռը, վթարի հետևանքով մահացել է Ուկրաինայի ՆԳՆ ղեկավարությունը՝ նախարարը, նախարարի առաջին տեղակալը և պետքարտուղարը:
