Չելյաբինսկի մարզից մոբիլիզացված հինգ տղամարդիկ են մահացել «Դոնբասում հատուկ ռազմական գործողության գոտում»։ Այս մասին գրում է 74.ru-ն՝ Չելյաբինսկի մարզ ղեկավարի և կառավարության մամուլի ծառայությանը հղումով։
Բոլոր մահացածները զորակոչվել են Չելյաբինսկի շրջանի Կորկինո քաղաքում։
«Ցավոք, զինկոմիսարիատը հաստատել է Կորկինոյի զինկոմիսարիատից կանչված հինգ հարավային ուրալցիների մահվան մասին տեղեկությունը»,- 74.ru-ին հայտնել են մարզպետի և կառավարության մամուլի ծառայությունից։
Նրանք հավելել են, որ զոհերի ընտանիքները արագացված կարգով կստանան մեկական միլիոն ռուբլի՝ ի հավելումն ճակատում մոբիլիզացվածների մահվան դեպքում վճարվող մնացած վճարների։
Ինչպես նշում է BBC-ի ռուսական ծառայությունը, Ռուսաստանում իշխանությունները առաջին անգամ պաշտոնապես հայտարարեցին ճակատում մոբիլիզացվածների մահվան մասին։ Ուկրաինայում մոբիլիզացված մարդկանց մահվան մասին առաջին հաղորդագրությունները սկսել են հայտնվել այս շաբաթվա սկզբին, սակայն իշխանությունները չեն մեկնաբանել դրանք։
