Այսօր ՀՀ նախագահի հրամանագրով Քննչական կոմիտեի փոխնախագահ Արթուր Ղամբարյանը պարգևատրվել է Մխիթար Գոշի մեդալով՝ իրավակարգի և օրինականության ամրապնդման գործում ներդրած ավանդի համար:
Արթուր Ղամբարյանը ծնվել է 1980 թվականին Երևան քաղաքում:
2003 թվականին ավարտել է ԵՊՀ իրավաբանական ֆակուլտետը:
2003 – 2005թթ. աշխատել է Միջազգային իրավունքի հայկական ընկերակցության Եվրոպական դատարան դիմելու իրավախորհրդատվական կենտրոնում քրեական գործերով իրավախորհրդատու:
2005 -2008 թթ. – ՀՀ գլխավոր դատախազության գիտաուսումնական կենտրոնում, հետագայում՝ «Դատախազության դպրոցում», նախ՝ որպես գիտաշխատող, ապա՝ քրեական դատավարության և կրիմինալիստիկայի ամբիոնի վարիչ:
2008 – 2010 թթ. – ՀՀ գլխավոր դատախազության մարդու դեմ ուղղված հանցագործությունների գործերով վարչության դատախազ:
2010 – 2012 թթ. – ՀՀ գլխավոր դատախազության իրավական ապահովման և եվրաինտեգրման բաժնի ավագ դատախազ:
2012 թվականից մինչև 2013 թվականի դեկտեմբերը եղել է ՀՀ գլխավոր դատախազության իրավական ապահովման և եվրաինտեգրման բաժնի պետ:
ՀՀ Նախագահի 2013 թվականի սեպտեմբերի 24-ի կարգադրությամբ նշանակվել է Միասնական քննչական մարմնի կազմավորման իրավական ապահովման հանձնաժողովի անդամ:
2014 մայիս-սեպտեմբեր ամիսներին՝ ՀՀ փաստաբանների պալատի անդամ:
ՀՀ Նախագահի 2014 թվականի սեպտեմբերի 12-ի հրամանագրով նշանակվել է ՀՀ քննչական կոմիտեի նախագահի տեղակալ:
Հեղինակ է մի շարք ուսումնական ձեռնարկների, 16 մենագրության, 120-ից ավելի գիտական հոդվածների:
2003 թվականից զբաղվում է մանկավարժական ակտիվ գործունեությամբ և դասավանդում հանրապետության տարբեր բուհերի իրավաբանական ֆակուլտետներում:
Առաջարկում ենք նաև կարդալ Իրավաբան.net-ի հարցազրույցը Արթուր Ղամբարյանի հետ:
