Ինֆոգրաֆիկան՝ վերջում

Կենտրոնական բանկի բարձրագույն պաշտոնատար անձը Կենտրոնական բանկի նախագահն է: Կենտրոնական բանկի նախագահին ընտրում է ՀՀ Ազգային ժողովը` 6 տարի ժամկետով: Այս պաշտոնը 2020թ․ հունիսի 13-ից զբաղեցնում է Մարտին Գալստյանը, որը 2018-12.06.2020թթ. զբաղեցրել է ԿԲ խորհրդի անդամի պաշտոնը։

Iravaban.net-ը պարբերաբար ներկայացնում է պաշտոնատար անձանց գույքի ու եկամուտների հայտարարագիրը․ այս անգամ կանդրադառնանք ԿԲ նախագահի հայտարարագրերին։

2018 թվականին ՀՀ կենտրոնական բանկի խորհրդի անդամի պաշտոնը ստանձնելիս Մարտին Գալստյանը հայտարարագրել է․

• 2 բնակարան,
• անհատական բնակելի տուն,
• ավտոտնակ,
• 5,000,000 դրամ,
• 12,000 դոլար։

Պաշտոնը ստանձնելու օրվա դրությամբ նրա եկամուտները կազմել են 23,004,520 դրամ՝ ստացված աշխատավարձից և երկու այլ եկամուտից։ Նա նաև երկու փոխառություն է հանձնել՝ 25,89,716 դրամի և 5,030 դոլարի չափով։

2018 թվականի արդեն տարեկան հայտարարագրում նրա դրամական միջոցները կազմում են 9,000,000 դրամ, 17,000 դոլար, 1,000 եվրո։

Մարտին Գալստյանի հանձնած փոխառությունների թիվը ևս նվազում են՝ կազմելով 4,143,509 դրամ և 5,079 դոլար։

Այս տարում նրա եկամուտները կազմել են 47,218,553 դրամ՝ ստացված երկու աշխատավարձերից, քաղաքացիաիրավական այլ պայմանագրերից ստացված եկամուտից։ Եվս 208,700 դրամ էլ նա նվիրատվություն է ստացել։

2019 թվականին ներկայացրած հայտարարագրից արդեն պարզ է դառնում, որ անհատական բնակելի տունը գտնվում է Տավուշի մարզում՝ Դիլիջանում, համատեղ սեփականություն է, որը գնվել է 2016 թվականին։ Բնակարաններից մեկը ևս համատեղ սեփականությամբ է գնված՝ 1994 թվականին և գտնվում է Երևանում՝ Կենտրոնում։ Մյուս բնակարանը միանձնյա սեփականություն է՝ Երևանում՝ Ավանում, գնված 2010 թվականին, իսկ հաջորդ տարում ավտոտնակը ստացել է որպես նվիրատվություն։

2019-ին նրա հանձնած փոխառությունները կազմել են 7,306,757 դրամ։ Նա նաև բանկում ավանդ է դրել, որը տարեվերջին կազմել է 39,936 դոլար։

Բանկային հաշիվներում Մարտին Գալստյանի դրամական միջոցները կազմել են 1,610,093 դրամ, 3507 եվրո, իսկ կանխիկ՝ 10,000,000 դրամ, 10,000 դոլար, 5,000 եվրո։

Ընդգծենք, որ 2019 թվականին ևս նա նվիրատվություններ է ստացել՝ 2 մլն դրամի չափով և Կենտրոնական բանկից՝ 169․937 դրամի չափով։

Նրա ստացած եկամուտները․

2020 թվականին, երբ նա արդեն ստանձնել է ԿԲ նախագահի պաշտոնը, հայտարարագրում նշվում է, որ Դիլիջանում հողամաս է ձեռք բերվել՝ համատեղ սեփականությամբ։ Հետաքրքիրն այն է, որ հողատարածքի ձեռբերման մյուս կողմը հանդիսացել է Կենտրոնական բանկը։

Նա 7,120,000 դրամի չափով պարտատոմս է ձեռք բերել Ինեկոբանկից։

Դոլարով դրված ավանդի չափը կազմել է 41,175 դոլար։

Բանկային հաշվում Մարտին Գալստյանի դրամական միջոցները կազմել են 9,808,220 դրամ, 3,478 եվրո։

Կանխիկ դրամական միջոցները՝ 9,000,000 դրամ, 5,000 եվրո, 10,000 դոլար։

Եկամուտները՝ 2019-ին, կազմել են․

2021 թվականին Մարտին Գալստյանը ևս մեկ պարտատոմս է գնել Ինեկոբանկից՝ 8,080,000 դրամ, մյուս պարտատոմսը՝ 7,120,000 դրամի չափով ևս առկա է։

Ավանդի գումարը տարեվերջին կազմել է 42,756 դոլար։

Բանկային հաշվում դրամական միջոցները կազմել են՝ 19,454,763 դրամ և 4,404 եվրո։

Կանխիկ դրամական միջոցները կազմել են՝ 15,000,000 դրամ, 10,000 եվրո, 15,000 դոլար։

Մարտին Գալստյանը 2021թ․-ին վարկ է վերցրել՝ 68,729,447 դրամ։

Նրա եկամուտները կազմել են․

Ներկայացված ծախսերի հայտարարագրի համաձայն, նա մի քանի խոշոր վճարում է կատարել, որն ընդհանուր կազմել է 14,786,853 դրամ․

վարկի մարմանն ուղղված վճարումներ – 7,286,853 դրամ,

հանգստի համար կատարած ճանապարհածախս – 5,000,000

ուսման կամ այլ դասընթացների համար վճարվող վարձավճար – 2,500,000։

————————————

Մարտին Գալստյանի կինը՝ Աստղիկ Արարքցյանը, 2018 թվականին հայտարարագրել է 5,000,000 դրամ, 7,000 դոլար։ Եկամուտը կազմել է 10,178,429 դրամ՝ ստացված աշխատավարձից և տրված փոխառությունների դիմաց ստացված տոկոսագումարից։

Նա երեք փոխառություն է հանձնել, որոնք տարեվերջին կազմել են 4,730,159 դրամ, 1,600,000 դրամ, 1,200 դոլար։

2019 թվականին Աստղիկ Արարքցյանը հայտարարագրել է․

• բնակարան – բաժնային սեփականություն, Երևանում՝ Կենտրոն վարչական շրջան,
• ավտոտնակ – միանձնյա սեփականություն, Երևանում՝ Կենտրոն վարչական շրջան,
• հողամաս – բաժնային սեփականություն, Կոտայքի մարզում՝ Հրազդանում,
• PEUGEOT մակնիշի ավտոմեքենա, 2002 թվականի թողարկման, որը գնվել է 2002 թվականին, իսկ 2019 թվականի վերջում վաճառվել,
• ավանդները բանկում, ընդհանուր՝ 6,510,870 դրամ,
• 286,036 դրամ և 758 դոլար՝ բանկային հաշվին,
• 3,000,000 դրամ՝ կանխիկ,
• 4,000 եվրո՝ կանխիկ,
• 25,000 դոլար՝ կանխիկ,
• 11,533,363 դրամ եկամուտ՝ ստացված աշխատավարձերից և տրված փոխառությունների դիմաց ստացված տոկոսագումարից։

2020 թվականին ԿԲ նախագահի կինը հայտարարագրել է․

• ավանդները բանկում, ընդհանուր՝ 4,586,208 դրամ,
• 1,104,701 դրամ՝ բանկային հաշվին,
• 2,338 դոլար՝ բանկային հաշվին,
• 3,000,000 դրամ՝ կանխիկ,
• 4,500 եվրո՝ կանխիկ,
• 25,000 դոլար՝ կանխիկ,
• 12,312,759 դրամ եկամուտ՝ ստացված աշխատավարձերից և տրված փոխառությունների դիմաց ստացված տոկոսագումարից։

2021 թվականին Աստղիկ Արարքցյանը հայտարարագրել է․

• ավանդները բանկում, ընդհանուր՝ 5,435,957 դրամ,
• 283,600 դրամ՝ բանկային հաշվին,
• 1,028 դոլար՝ բանկային հաշվին,
• 4,500,000 դրամ՝ կանխիկ,
• 10,000 եվրո՝ կանխիկ,
• 35,000 դոլար՝ կանխիկ,
• 12,455,029 դրամ եկամուտ՝ ստացված աշխատավարձից։