Ադրբեջանական բանակի ևս երեք գեներալներ ուղարկվել են կադրերի ռեզերվ: Այս մասին հայտնում են ադրբեջանական լրատվամիջոցները՝ հղում կատարելով Պաշտպանության նախարարությանը:
Տեղեկատվության համաձայն, աշխատանքից հեռացվածների թվում են գեներալ-լեյտենանտ Զահիդ Հուսեյնովը, գեներալ-մայոր Ռասիմ Ալիևը և գեներալ-մայոր Լենքյարան Ալիևը:
Հրապարակման մեջ նշվում է, որ գեներալ-լեյտենանտ Զահիդ Հուսեյնովը զբաղեցնում էր Գլխավոր շտաբի պետի տեղակալի պաշտոնը, Լենքյարան Ալիևը Նախիջևանի առանձին համակցված զինված ուժերի տեսչության պետն էր, իսկ Ռասիմ Ալիևը ՝ գաղափարական աշխատանքների վարչության պետը:
