Ալվինա Մ-ն դիմում է ներկայացրել Երևան քաղաքի Աջափնյակ և Դավթաշեն վարչական շրջանների ընդհանուր իրավասության դատարան` անձի նույնացման վերաբերյալ իրավաբանական նշանակություն ունեցող փաստի հաստատման պահանջի մասին:

Ուսումնասիրելով դիմումը և կից ներկայացված փաստաթղթերը` դատարանը գտել է, որ դիմումի ընդունումը ենթակա է մերժման, քանի որ ՀՀ քաղաքացիական դատավարության օրենսգրքի 189-րդ հոդվածի 2-րդ մասի համաձայն` դատարանը փաստերի հաստատման վերաբերյալ քննում է այն գործերը, որոնք վերաբերում են` 1. անձանց ազգակցական հարաբերություններին.

2. անձի` ուրիշի խնամքի տակ գտնվելուն.

3. ծննդյան, որդեգրման (դuտերագրման), ամուuնության, ապահարզանի և մահվան գրանցմանը.

4. անձի` որոշակի ժամանակում և որոշակի հանգամանքներում մահվանը, եթե քաղաքացիական կացության ակտերի գրանցման մարմինները մերժում են մահվան գրանցումը.

5. ժառանգությունն ընդունելուն և ժառանգության բացման վայրին.

6. դժբախտ պատահարին.

7. իրավունք uահմանող փաuտաթղթերի պատկանելությանը, բացառությամբ անձնագրի և զինվորական փաuտաթղթերի.

8. uեփականության իրավունքով գույքի տիրապետմանը.

9. անհաղթահարելի ուժի առկայությանը:

Նույն օրենսգրքի 189-րդ հոդվածի 3-րդ մասի համաձայն` դատարանը օրենքով նախատեսված դեպքերում, քննում է իրավաբանական նշանակություն ունեցող այլ փաստեր:

Տվյալ պարագայում Ալվինա Մ-ի դիմումում առկա պահանջը` անձի նույնացման վերաբերյալ իրավաբանական նշանակություն ունեցող փաստի հաստատումը, նախատեսված չէ օրենքով, հետևաբար որպես այդպիսին այն ենթակա չէ դատարանում քննության:

Աղբյուրը` Իրավաբան.net